Dili (Timor post.com)—David Barbosa, tinan 24, Eskola Sekundáriu Jerál Nobel da Paz Dili husi Munisipiu Manufahi loron-loron tenke fan sasán hodi kompleta nesesidade moris iha Kapitál Dili. Atu transforma moris ne’e servisu saida de’it agradese tanba moris ne’e presiza servisu no presiza agradese.
“Ha’u tenke faan sasán hodi hamenus todan husi inan-aman kona ba husu osan, tanba sira mós presiza”. Nia dehan ba jornalista Timorpost.com iha Jardin Largo Lesidera, Kinta (14/09/2023).
Negosiante ne’e haktuir, sasán sira ne’e faan mak hanesan Be’e Gota, Sigaru, Pulsa Telemor, Pulsa Telkomsel no Forai Sona. Osan sira ne’e mak sosa sasán sira refere balun husi inan-aman depois sosa no faan fali. Nia rezultadu balun kompleta nesesidade no balun haruka ba inan-aman.
“Kona ba rendimentu depende ba komprador ou vizitante sira karik barak loron ida bele hetan másimu dollar amerikanu $15 no menus husi ne’e loron ida hetan $10 dollar”. Nia dehan.
Nia haktuir, kona ba alternativu faan sasán hanesan ne’e nu’udar umanu sente kolen, maibé ida ne’e mak dalan, karik hakarak hadi’a moris labele moe atu hala’o saida de’it hodi bele transforma ita nia moris ne’e.
“Moris ne’e saida de’it mak bele ita halo hodi modifika moris ne’e hala’o de’it. Importante mak keta na’ok, bainhira ita na’ok ne’e ita moe no inan-aman família mós moe, maibé uza maneira fa’an sasán rahun hodi sustenta moris no hola nesesidade bázika nian kompleta moris ne’e tenke”. Nia haktuir.
Hanesan Umanu tenke servisu, saida de’it tenke agradese tanba atu modifika ou transforma moris presiza servisu saida de’it agradese.
“Ha’u la moe bainhira konta ba inan-aman katak osan ne’e fó mai ha’u sosa fali sasán balun hodi fan no inan-aman mós konkorda importante ida di’ak ba an no di’ak ba moris” nia informa.
Negosiante ambulante David Barbosa haktuir, atividade ne’e hala’o loron-loron hahú husi jam 07 dadeer to jam 11 meiudia tenke fila hodi tama eskola meiudia.
“Agora daudauk ha’u iha terseiru ano Sekundáriu no prepara an hodi tuir Ezame Nasionál (EN) ho ida ne’e fan sedu hodi fila ba eskola”. Hakotu.
1,524 total views, 6 views today
Bele hare Video Seluk :
Subscribe to Timorpost
