Dili(timorpost.com)—Gabinete do Lisensiamentu Akreditasaun Avaliasaun no Estátika Edukativa (GLAAEE) koopera ho Ministériu Edukasaun Juventude no Desportu (MEJD), loke workshop nasionál kona ba Promove no Hametin Prosesu Lisensiamentu no Akreditasaun ba Estabelesimentu kualidade Edukasaun no Ensinu iha Timor- Leste.
“Workshop Nasionál ida ne’e importante tebes, tanba hato’o diretamente ba iha ita nia Ministru Edukasaun, kona-ba servisu ne’ebé mak nia halo hanesan aplikasaun ou ezekuta lei sira ne’ebé mak ko’alia kona-ba padraun resenseamentu obrigasaun hodi aplika ba eskola sira ne’ebé mak foin loke, hodi sira bee aplika tuir”, dehan Koordenadór GLAAEE, Mauricio Martins ba jornalista sira, iha salaun City8, Kuarta (03/05/2023).
Nia hatete, ko’alia kona-ba kualidade ne’e multi-integradu, presiza ema hotu nia entendimentu atu bele estabelese eskola ida, tenke prenxe kritériu sira.
Setór edukasaun iha Timor-Leste tenke kontinua no asegura ho kualidade di’ak, labarik sira tenke hetan ensinu ne’ebé ekilíbriu no garantia katak, sira asesu duni ba edukasaun no aprendizajen ida ne’ebé inkluzivu iha territóriu tomak, tantu eskola públiku no privadu sira, entidade edukasaun hotu tenke iha ajenda prioridade.
Ho nune’e labarik sira nia kapasidade intelektuál tenke bele dezenvolve sufisiente di’ak liu, hodi bele produz kualidade rekursu umanu iha rai laran, modalidade aprendizajen mak labarik sira nia emosaun intelektuál ne’ebé moris naturalmente iha sira nia-an, labarik hamoris rasik ona ninia potensiál natural iha prosesu aprendizajen.
“Oinsá mak halo oferesimentu ambiente edukasaun nian hodi apoia no eleva dezenvolvimentu integradu ne’e ho kontrola, kria no kontinua reforsa, iha kestaun pertinente balun mak ita bele halo reflersaun hodi liga kapasidade natali-interna ho ambiente esterna oferese hosi edukasaun”, nia tenik.
Entidade hothotu kompriende ona orientasaun hosi kadernu enkargu nian ba lisensiasiamentu establesimentu edukasaun tuir nivel eskolaridade ida idak nian kona-ba kualidade edukasaun, oinsá mak ema hot-hotu bele iha kometimentu katak kualidade edukasaun nu’udar responsabilidade ema hotu nian.
1,578 total views, 3 views today
Bele hare Video Seluk :