DILI (timorpost.com)—PLAN Internasionál fó apresiasaun ba Primeiru Ministru (PM), Kay Rala Xanana Gusmão, tanba bele oferese nia oan Kay Olok Sword Gusmão sai nu’udar embaixadór PLAN internasionál ba foin sa’e sira iha diversidade hotu.
Diretora PLAN Internasionál, Fatima Estrela Soares hatete, Primeiru Ministru hanesan aman ba Kay Olok Sword Gusmão, ne’ebé permite hodi servisu hamutuk PLAN Internasionál.
“Ami agradese ba Primeiru Ministru Kay Rala Xanana Gusmão hanesan pai ba Kay Olok Sword Gusmão, hodi autoriza no no permite nia oan bele servisu hamutuk ho ami, oinsá hodi hare kona ba foin sa’e iha diversidade hotu,” dehan Fatima Estrela Soares iha ambitu serimónia asina memorandu iha sala leitura Xanana Gusmão, Sesta (01/12).
Tanba ne’e, PLAN International agradese ba parentes no família husi Kay Olok Sword Gusmão nia, PLAN Internasionál garante katak sira sei servisu hamutuk ho di’ak.
“Ami fiar, Kay Olok Sword Gusmão sei servisu hamutuk ho ami no enjoy saida mak ami halo ona, hodi lori foin sa’e sira iha diversidade hotu,” nia hakotu.
Enkuantu tuir observasaun Timor Post iha tereno nota, bainhira MC bolu Primeiru Ministru, Kay Rala Xanana Gusmão, sente hakfodak, tanba la iha informasaun ba nia.
Ho karta apresiasaun ne’e, Primeiru Ministru konsege simu no agradese ba PLAN International.
1,020 total views, 3 views today
Bele hare Video Seluk :
Subscribe to Timorpost
