DILI (timorpost.com)—Relasiona ho informasaun ne’ebé espalha iha sosiál media kona ba oknum Polisia Militár (PM) ida uza arma nasaun nian hodi kasa komunidade nia karau iha Munisípiu Manufahi, agora daudauk Xefe Estadu Maiór FALINTIL Forsa Defeza Timor-Leste (F-FDTL), Tenente-Jenerál, Domingos Raul “Falur Rate Laek”, simu ona kazu refere.
“Kazu tiru karau ne’e prosesu ha’u simu ona. Ohin ha’u despaxu hodi enkaminamentu ba Governu, Kaza Militár hodi fó koñesimentu ba Prezidente Repúblika para halo prosesu tuir justisa,” Tenente Jenerál, Falur Rate Laek, ba Jornalista sira iha edifísiu PM Kintál-Boot, Kinta-Feira (14/09/2023).
Xefe Estadu Maiór F-FDTL ne’e haktuir, prosesu investigasaun halo atu haree no identifika motiva saida husi aktu refere hodi halo investigasaun apura a verdade tuir prosesu dixiplinár.
Falur Rate Laek dehan, lei autoriza militár kaer kilat, bainhira hala’o misaun ne’e komandu mak hatene, karik prosesu la’o mak Komandante autoriza ne’e responsabilidade Komandante nian.
Tanba kilat ne’e la’ós sasán arbiru, ne’e utiliza karik hala’o misaun maibé utiliza atu halo saida no tempu to’o bele entrega.
“Ho kazu insidente ne’e, atu kontrolu armas ne’e iha regra bolu dehan, Impedimentu de Armas no uza kilat ne’e operasaun de seguransa, atu forma oinsá, ne’e insinadu,” Tanente Jenerál, Falur Rate Laek esplika.
Nia haktuir, kada unidade iha komandante sira estabelese regra no Normas de Ezekusaun Permanente (NEP) hodi membru sira kumpre.
Xefe Maiór ne’e haktuir tan, kona-ba prosesu ne’e simu ona Komandu simu ona, hotu-hotu hein prosesu investigasaun de’it.
3,873 total views, 3 views today
Bele hare Video Seluk :
Subscribe to Timorpost
