DILI (TimorPost.com)—Timor-Leste hanesan nasaun ne’ebé ki’ik iha indo-Pasífiku. Maibé nia rikeza ba mina no gas hola parte iha merkadu internasionál.
Daudaun ne’e, Timor-Leste hetan konvite husi membru , Liga investimentu Mina no Gás (CLDP-Ingles) ba partisipa iha, partisipa reuniaun Carbon Capture no Storage (CCS) iha Jakarta Indonézia.
Asosiasaun Enjeñaria Timor-Leste, sai hanesan reprezentante estadu TL hodi ba partisipa iha reuniaun refere.
Reuniaun CCS ne’e partisipa hosi nasaun membru, Liga investimentu Mina no Gás iha ASEAN ne’ebé hala’o loron ida, iha Jakarta, 17 Novembru, 2023.
Noventino Fernandes, hanesan reperezentante estadu Timor-Leste informa, maski nia hosi Asosiasaun Enjeñaria Petróleu Timor-Leste, maibé ninia partisipasaun ne’e hanesan reprezenta governu iha forum CCS.
Objetivu husi delegasaun TL partisipa iha reuniaun CCS ne’e hodi rona, kona-ba estratéjia nasaun-nasaun produtivu mina no gás ne’ebé fó impaktu bainhira halo produsaun.
“Ami nia prezensa ne’e reprezenta Estadu nó governu Timor-Leste, maski ami mai hosi Asosiasaun Enjeñaria Petróleu Timor-Leste, entaun durante enkontru ami observa, rona nasaun-nasaun membru sira ne’ebé ko’alia kona-ba investimentu mina no gás ho ninia implikasaun ba iha Ambiente”, reprezentante Delegasaun TL, Noventino, informa liuhosi whatsaap, Sabadu, (18/11).
Tanba iha reuniaun ida ne’e membru CLDP, hosi nasaun sira ne’e ko’alia liu-liu ba dezenvolvimentu armonizasaun legais sira no mós regulasaun servisu liga ba produsaun carbon ka gás ne’e rasik.
“Ne’ebé iha reuniaun ne’e ami bolu ho lia ingles, Developing Harmonized Legal and regulatory frameworks for carbon capture and storage, ne’e durante loron ida horisehik sesta,17 Novembru ne’e ami diskute”.
Vantajen mak ne’e oinsá bele rona ema nia esperiénsia sira liga ba esplorasaun mina no gas atu bele sai mata dalan ida mai nasaun Timor-Leste hodi bele Projetu CCS sai alternativa bainhira mina iha kampu Bayu-undan maran.
Tanba ita haree, CCS hanesan teknolojia atu kaptura no armazena karbonu iha rai-laran, ne’ebé konsidera hanesan esforsu ne’ebé halo atu halo redusaun emisaun CO2 iha atmosferu no hosi kampu gás balun ne’ebé iha kontíudu CO2 barak tebes.
543 total views, 12 views today
Bele hare Video Seluk :
Subscribe to Timorpost
