ADVERTISEMENT

Tenente Jenerál husu PM Labele Hala’o Servisu Polisia Nian

Mario da Costa - Baucau · Jeral
Jornalista : Caetano Guterres
Editor : Mário da Costa
  • Share
Tenente Jeneral Domingos Raul "Falur Rate Laek", inaugura edifísiu Polísia Militár Baukau, Kinta (14/04/2023). Imajen TP: Caetano Guterres

BAUKAU (timorpost.com)-Xefe Estadu Maiór Jenerál Falintil-Forsa Defeza Timor-Leste (F-FDTL), Tenente Jeneral, Domingos Raul “Falir Rate Laek” apela ba Polisia Militár (PM), labele hala’o fali servisu Polísia Nasionál Timor-Leste (PNTL) nian.

Nia hatete, atu kaer membru arte marsiais halo krime iha rai laran, ne’e servisu polisia nian.

ADVERTISEMENT
SCROLL FILA BA NOTISIA


“Misaun PM nian la’ós atu ba kaer fali arte marsiais, ha’u-nia diretiva klaru tiha ona, horsehik ha’u reuniaun ho Komandu Polísia”, nia hateten hafoin inaugura edifísiu PM iha Baukau, Kinta (13/04/2023).

Lee Mós :
KOMJER Sei Identifika Membru PNTL

Nia dehan, servisu hotu iha seguransa, maibé buat krime sei la atende, anaunser intervensaun diretiva polítika mai, ho okazionais mak intervein.

“Krime apaina delitu komum ida entaun ita bele aborda, mais buat seluk ne’e problema polisia nian, para nune’e ita komesa implementa sistema”, nia afirma.

Nia esplika, Polisia Militár nia servisu atu kontrola servisu membru forsa defeza ne’ebé la kumpre servisu, lori sai transporte karreta no motor forsa nian laiha karta autorizasaun, Militár ne’ebé hatais uniforme la loos, laiha lisensa gia de marsa, hemu lanu iha fatin públiku, no halo barullu iha festa privadu.

Lee Mós :
Aniversáriu Restaurasaun Independénsia ba dala XXI, Falur Husu Joven sira Muda Mentalidade

Nia hatutan, Polísia Militár la’ós ba hala’o fali servisu polisia nian, anaunser iha akontesimentu derepente iha oin bele atua, maibé entrega ba polisia.

Edifísiu foun na Polísia Militár Baukau, imajen TP: Caetano Guterres

Alende ne’e nia mós husu ba membru PM hotu atu utiliza edifísiu foun refere ho domin no kuida hodi kumpre misaun nu’udar kontrolu ba militár sira.

Lee Mós :
CBP regista 151 doentes com dengue entre janeiro e fevereiro

“Sé ita hanoin atu profesionaliza Polísia Militár para kumpre misaun ho di’ak tenke apoia lojistika”, nia hateten.

Ikus Komandante fitun tolu ne’e, enkoraja Polísia Militár ho inisiativa rasik atu konstrui rasik jardín, fatin parajen ba transporte nune’e iha panorama furak ba edifísiu ne’e.

 2,040 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tenente Jenerál husu PM Labele Hala’o Ser…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No