ADVERTISEMENT

Fahe Motor iha Tempu Kampaña Pergunta Boot

Augusto Sarmento - Jeral · Polítika
Jornalista : Florindo Coluna
Editor : Jose Caet
  • Share

DILI—Partidu Frente Revolusionáriu Timor-Leste Independente (FRETILIN), fahe motor ba koordenadór postu administrativu hanoin normal, maibé atribui iha tempu kampaña mak sai pergunta boot ba públiku.

“Ha’u hanoin partidu FRETILIN fahe motor ba koordenadór Postu Administrativu sira atu halo servisu partidu nian, ba ha’u normal, soke sira fahe fali motor iha tempu kampaña mak sai tiha pergunta boot iha públiku,” Diretór Ezekutivu Luta Hamutuk (LH), José Alves da Costa, informa ba Timor Post via telefone, Kuarta (12/04).

ADVERTISEMENT
SCROLL FILA BA NOTISIA


Lee Mós :
Merkadu Taibesi La Sufisiente Akumula Negosiante

Tuir nia, iha tempu kampaña Eleisaun Parlamentár la’ós de’it partidu istóriku mesak mak fahe motor, maibé iha informasaun mós Partidu Demokrátiku (PD), Partidu Libertasaun Popular (PLP) no partidu sira seluk mós fahe hotu ba sira nia estrutura iha baze.

Entaun, hanesan Sosiedade Sivíl, haree ba iha tempu besik kampaña mak partidu polítiku sira tun ba povu husi fahe sasán ba povu, baibain sira mak bele dehan sosa votu más partidu sira fahe de’it ba ninia estrutura iha baze, povu la hetan buat ida ne’e.

Lee Mós :
Governu Aprova Projetu Dekretu Lei Planu no Ordenamentu

“Ba ha’u partidu sira fahe motor ba sira nia estrutura baze iha postu administrative, benefísiu ba sira nia partidu, povu baibain la hetan buat ida, ida ne’e mak povu atu fó votu susar uitoan”, nia hateten.

Partidu FRETILIN ninia maneira atu fasilita ninia estrutura sira iha Postu Administrativu ho motor KLX iha tempu kampaña mak halo públiku atu interpreta, maibé sei la influensia povu nia votu, ne’ebé labele dehan ida ne’e sosa votu.

Lee Mós :
Hafoin Manan Emmanuel Fc, SLB Kontinua Riba Akadémika Fc Iha Estádiu Dili

Timor Post asesu video ne’ebé mak Media Lian Povu fó sai, Sekretáriu Jerál FRETILIN, Mari Bin Amude Alkatiri, hato’o mensajen ba koordenadór FRETILIN iha Postu Administrativu sira, atu utiliza motor ho didi’ak hodi halo servisu partidu nian iha baze.

“Ita boot sira uza motor ho didi’ak, atu ita mós bele halo ita nia servisu”, nia informa.

 1,482 total views,  3 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No