Dili (TimorPost.com) – Hahú hosi fulan Janeiru to’o Agostu 2023, rejista moras oin tolu mak domina iha Sentru Saúde Formoza (SSF), moras hirak ne’e mak hanesan ISPA, diareia no Dengue, maibé hosi kazu hirak ne’e ISPA aas liu.
“Iha fulan Janeiru to’o Agustu tinan ida ne’e, ami rejistu moras ISPA hamutuk rihun 10, moras ne’e maka numeru aas iha sentu saude formoza ne’e,” Xefe Interinu Sentru Saude Formoza, Tereza Da Silva Pinto, dehan ba Timor Post, iha knaar fatin, Bairo Formoza, Kuarta (13/09/2023).
Nia hatete, aleinde moras ISPA, iha mos moras seluk mak rejista aas ihasetnru saúde ne’e mak hanesan moras dermetitis hamutuk 699, moras kulit seluk hamutuk 604, moras dengue hamutuk 61, Diare 790, Scabies hamutuk 150.
Ba moras Pneomonia hamutuk 156, conjuntivitis hamutuk 563, Moras Teben ho Ran hamutuk 25, HTA hamutuk 377, Asidente Trafiku 325, Acidente Seluk hamutuk 81, Kazu ne’ebe observa hamutuk 2429, kazu ne’ebe refere hamutuk 140.
Moras HTA hamutuk 707, Violasaun Domestica 17, Trauma (violensia seksual) 0, no moras seluk ka kurativo hamutuk 7005.
Nia hatete, prosesu tratamentu ba pasiente sira durante ne’e la’o di’ak. Bainhira mediku sira identifika pasiente balun sofre tensaun ka moras seluk, mediku sira refere ba iha programa Opd, nune’e sira atende kedas.
“Prosesu atu atende mós, la’ós atende de’it, maibé sei haree ka koko sira nia tensaun karik sa’e liu, ami haruka ba iha emerjénsia hodi simu ai-moruk atu hemu, depois mak fila fali mai ami analiza klean depois mak hodi hatama ba programa,” nia esplika.
Sentru saúde Formoza laiha problema kona-ba ai-moruk. Bainhira ai-moruk menus, responsavel sentru saúde sempre halo koordenasaun ho SAMES,IP hodi bele distribui ai-moruk ne’ebé sentru saúde ne’e presiza.
Entretantu, sentru saude Formoza simu pasiente sira la haree ba postu ka suku, maibé ba komunidade sira iha kapital Dili bele mai halo tratamentu iha sentru saude Formoza.
453 total views, 9 views today
