DILI (timorpost.com)—Patraun Loja happy 3 Fatuhada Manianus Hay, preokupa ba Foos nia folin uluk no agora la iha mudansa no nafatin sa’e impaktu tebes komunidade kiik sira.
“Ha’u hanoin Los povu bainhira haree foos folin agora la hanesan ho uluk, tanba ema kuandu mai sosa sira ezije atu hatún folin maibé ha’u mós manan de’it 0.25 ka 0.50 centavos” nia hatete ba Timor Post iha loja happy 3 Fatuhada, (15/09).
Foos folin uluk 20kg ne’e 13 USD 25kg $14.50 centavos maibé agora la hanesan ona, 20kg 15 USD no 25kg $18.50 centavos, ho folin ne’e mak ema hotu-hotu tau ba preokupasaun.
“Ha’u tenta husu tuir Kompañia no Loja ne’ebé kada semana hatama foos ba Loja happy 3 nian no sira resposta katak selu taxa mak sa’e no husi nasaun importasaun mai Timor-Leste mós folin sa’e”, nia dehan.
Nia haktuir, durante ne’e kompañia PERISOS no CREATIVE FURAK mak esporta foos tama mai.
“Foos ne’ebé kompañia rua ne’e esporta tama mai mak hanesan foos Gostu Loos, Manu Vitoria, Folsom, Nona Manis no Beras Wangi no Tali merah.
Nia dehan, besik semana rua ona, Governu liuhusi Konsellu Ministru (KM) seidauk aprova pedidu husi Ministériu Komérsiu no Indústria (MKI) kona ba subsídiu apoia ba empreza importadór sira hodi redús presu foos.
“Ita kasian haree komunidade mai sosa foos husu hatún presu, maibé labele tanba ami moos hetan uitoan de’it husi folin ne’ebé iha”. nia dehan.
1,209 total views, 9 views today
Bele hare Video Seluk :
Subscribe to Timorpost
