(Reportajen Korrespondente Munisipiu Manufahi Luis Casimiro Lopes/Editor Mateus da Cruz)
MANUFAHI— Bainhira prega hela kalén iha uma leten, teki-teki fiu eletrisidade soke mate Estanislao Pereira (27), iha Aldeia Lalika, Suku Betanu, Postu Administrativu Same Villa, Munisípiu Manufahi.
Akontesimentu trájiku ida ne’e, akontese iha Sesta (25/3), maizumenus tuku 16:25 Oras Timor Leste.
Tuir informasaun hosi Xefe Suku Betanu, Filipe de Araújo, hatete, loos duni iha nia komunidade ida maka fiu eletrisidade soke mate fatin bainhira prega hela kalén iha uma leten.
“Sim, akontesimentu ne’e matebian mate fatin, nia mate tanba fiu mákina boor nian kanek kona iha besi ne’ebé atu prega kalén ba ne’e mak hodi soke mate nia,” nia dehan ba jornalista, iha Same, Sábadu (26/03).
Daudaun ne’e mate isin rai hela iha nia rezidénsia aldeia Lalika, hodi prepara ba haloot. Matebian mate husik hela fen kaben ho oan na’in ida ne’ebé foin fulan lima.(Lee notisia seluk iha jornal Timor Post/asesu youtube Timor Post)
909 total views, 6 views today
Bele hare Video Seluk :