Material Sensitivu Eleisaun Suku Hahu Atribui

DILI (timorpost.com)—Ministériu Administrasaun Estatál (MAE) liuhosi Sekretáriu Administrasaun Eleitorál (STAE) no Komisaun Nasionál Eleisaun (CNE), kompostu husi Polisia Nasional Timor-Leste (PNTL), Segunda-Feira (23/10/2023) hahu hala’o atribuisaun material sensitivu no noun sensitivu órgaun eleisaun suku ba territóriu nasionál.

Vise Ministru MAE, Jacinto Rigoberto de Deus hatate loron ohin komisaun hahu atribui material sensitivu orgaun eleisaun suku ba teritoriu nasional. Total kuantidade folha ne’ebé mak ohin órgaun komisaun distribui ba suku iha territóriu nasionál hamutuk 942.696 no livru 18.853.92, ne’e ba suku 442 iha territóriu nasionál.

SCROLL FILA BA NOTISIA

Lee Mós :

KHUNTO Lori Dezenvolvimentu Hakbesik Ba Povu

“Iha hotu iha ne’e asiste atribuisaun material sensitivu sira ba eleisaun órgaun suku, nu’udar órgaun importante ida iha nasaun ida ne’e,” Vise Ministru MAE ba Jornalista iha edifísiu MAE, Kolmera, Segunda (23/10).

Portantu, total kandidatu eleisaun órgaun suku hamutuk 2.117 no total suku iha Timor-Leste hamutuk 442, ne’e hatudu katak ema hotu hakarak partisipa no kontribui ba dezenvolvimentu nasaun ida ne’e.

Governante ne’e hatete, Timor Leste foin ukun aan tinan 20 resin maibé hala’o eleisaun tantu eleisaun Prezidente no eleisaun jerál to’o órgaun suku la’o ho susesu.

Lee Mós :

Koligasaun CNRT ho PD sai preferensia, rezultadu survei

Instituisaun hanesan Ministériu Administrasaun Estatál (MAE), Komisaun Nasionál Eleisaun (CNE) no Sekretáriu Tékniku Administrasaun Eleitorál (STAE) sira mak organiza eleisaun, ida ne’e esperiénsia barak ona.

Tanba ne’e, presiza servisu hamutuk tantu Governu Sentrál to’o nivel postu Administrativu nune’e asegura eleisaun ne’e to’o susesu.

Nia esplika, eleisaun órgaun suku ho karater diferente ne’e importante tebes ba nasaun Timor Leste. Tanba órgaun suku nu’udar autoridade hamutuk ho komunidade iha baze, sira mak hatene komunidade sira nia terus no susar, nune’e sira mak hato’o problema mai governu sentrál.

Lee Mós :

CNRT Promete Sei Hadi’a Estrada Laga-Baguia.

“Ida ne’e órgaun importante hein katak lideransa ne’ebé produs iha eleisaun loron 28 ne’e lideransa ne’ebé kualidade no reprezentativu,” Vise-Ministru MAE, Jacinto Rigoberto de Deus afirma.

Tanba ne’e, ho distribuisaun ba materiais sira ne’e simboliku no hein katak destribuisaun materiais sira hotu ninia prosesu atu transporta husi nasional ba munisipiu, baze tenki ho diak.

1,971 total views, 3 views today

Oinsa Ita nia Reaksaun iha Notisia Nee?