ADVERTISEMENT

FRETILIN Na’in Ba Pás, La Insulta Ema Ruma

Augusto Sarmento - #ElPar2023 · Ermera · Polítika
Jornalista : Florindo Coluna
Editor : Augusto Sarmento
  • Share

Timorpost.com I ERMERA-Mini Komísiu iha Postu Letefoho, Komisaun Organizadora, husu militante no simpatizante FRETILIN, tenke hatudu mautoridade polítika hodi kria pás no estabilidade.

“Kamarada Letefoho oan tenke hatudu maturidade polítika, labele halo provokasaun, maibé hakat mai iha kampu laran, hatudu katak Fretilín maka tenke na’in ba pás no estabilidade iha rai Letefoho”.

ADVERTISEMENT
SCROLL FILA BA NOTISIA


Lia hirak ne’e membru Komisaun organizadora mini komísiu Postu Letefoho, Antoninho de Deus, hato’o ba militante Fretilín bainhira hakat tama iha fatin komísiu, kampu futeból Postu Letefoho, kinta, 11/05.

Antoninho hatete, lideransa Fretilín dezde kampaña hahú to’o mai mini komísiu iha Letefoho, Munisípiu Ermera, la insulta lider partidu sira seluk, maibé Fretilín ho nia responsabilidade hodi hato’o de’it programa partidu nian ba povu atu kompriende hodi fó vitória ba Fretilín iha eleisaun parlamentár tinan ida ne’e.

Lee Mós :
PAM Baukau Promete Rezolve Problema Funsionáriu Kontratadu

“Ita militante sira mós tenke kompriende, durante ne’e ita nia lideransa Troika Fretilín hahú husi kampaña to’o mai agora la insulta ema ruma, ita nia lider Fretilín sira mai hato’o programa oitavu governu nian ne’ebé fó ona benfísiu ba povu tomak iha rai ida ne’e, tanba ne’e ita mai rona para atu kontinua fó fiar ba sira hodi ukun para liberta ita ba moris di’ak”,Antoninho hateten.

Lee Mós :
STAE Taka An, Observadór Kritika Sira Hanesan Ne’e

Tanba ne’e maka Militante no simpatizante Fretilín, tenke brani atu hatudu ba vitória ba FRETILIN iha rai Postu Letefoho, atu FRETILIN ukun hodi implementa programa balu ne’ebé implementa ona iha oitavu governu no kontinua programa sira seluk ne’ebé atu halo tuir kontratu sosiál ne’ebé Fretilín halo ona ba povu tomak iha Timor laran tomak.

Nia afirma, ho Fretilín de’it maka bele liberta povu ida ne’e husi kiak no mukit ba moris di’ak, tanba Fretilín maka luta ba ukun rasik an, Fretilín maka dezde uluk komunga prinsípiu liberta patria no liberta povu.

Lee Mós :
KHUNTO Aplika Polítika Movel

“Ha’u fiar katak, eleisaun parlamentár tinan ida ne’e Letefoho sei manan maioria, Fretilín maka sei implementa Uma Naroman ba povu, Fretilín maka sei kontinua fó subsídiu 200,USD, sesta báziku no rezolve programa sira seluk hodi benefisia povu tomak”, Antoninho esplika.

Tuir observasaun Timor Post iha fatin komísiu militante simpatizante FRETILIN, ho kontente hodi rona komisaun tanba programa FRETILIN benefísiu povu, tanba ne’e povu hotu haklalak.

 1,767 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FRETILIN Na’in Ba Pás, La Insulta Ema Ruma” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No