Dili (timorpost.com)—Reprezentante no Koordenadóra Organizasaun Nasoins Unidus (ONU) iha Timor-Leste, Olufunmilayo Balogun hasoru II Vise Primeiru Ministru no Ministru Koordenadór dos Asuntu Sosiais (MKDAS), Ministru Dezenvolvimentu Rural e Habitasaun Komunitariu (MDRHK), Mariano Asanami Sabino, diskute apoiu TL alkansa objetivu dezenvolvimentu sustentavel.
“Objetivu husi vizita ne’e atu relata Nasoins Unidas prontidaun apoiu TL alkansa objetivu dezenvolvimentu sustentavel ba tinan hira mai”. haktuir Koordenadóra Organizasaun Nasoins Unidus (ONU) iha Timor-Leste Olufunmilayo Balogun ih Palasiu Governu, Kinta (21/09/2023).
Nia dehan, projetu ne’ebé sei foka mak dezenvolvimentu area rural no jestaun ba Bee moos.
“Ami sei koopera hamutuk ho Vise Primeiru Ministru no Ministru Dezenvolvimentu Rural oinsá mak bele implementa meta husi programa sira ne’ebé iha ba dezenvolvimentu sustentavel iha area remotas sira”. Nia dehan.
Estadus Unidus la iha osan maibé osan ne’ebé iha tenke ajuda mobiliza finansiamentu setór privadu liuliu iha Área Sosiál, Edukasaun, Área Saúde.
Estadus Unidus mós kontribui ona hanesan bainhira iha tempu pandemia Covid-19 apoiu Governu Timor-Leste hetan asesu ba Vasina Covid-19, sistema saúde atu bele atendimentu di’ak ba timor oan sira.
“Ami mós fó apoiu ba area nutrisaun, merenda eskolár, jestaun, area fronteira iha programa fasilita ema atu diviniza imigrasaun liu husi Ministériu Interior no area empregu”. Hakotu.
1,143 total views, 3 views today
Bele hare Video Seluk :
Subscribe to Timorpost
