ADVERTISEMENT

Kritika Servisu Eleisaun, MAE Husu Hato’o Keixa

Timor Post - #ElPar2023
  • Share
Ministru Administrasaun Estatál (MAE), Tomas do Rosario Cabral

DILI (TIMOR POST.COM)—Ministru Administrasaun Estatál (MAE), Tomas do Rosario Cabral, husu atu hato’o keixa ba Tribunál Rekursu (TR), ligadu ba kritika publiku nian kona-ba fallansu servisu iha eleisaun suku primeira ronda.

Governante ne’e rekoñese públiku ninia preokupasaun barak liu maka dehan eleisaun primeira volta, eleitór forma naruk, mais ida ne’e lei maka haruka, tanba eleisaun ba xefe aldeia remata laliu metade porsentu 50+1 no rezliza kedas eleisaun segunda volta.

ADVERTISEMENT
SCROLL FILA BA NOTISIA


“Ha’u akompaña iha notísia dehan fallansu, fallansu iha ne’ebé, se fallansu lori ba tribunal, baibain ita dehan aktu ne’e laloos lori ba tribunal, nusa maka ida ne’e la lori ba tribunal, ita tenke ba ko’alia fali iha media social,” Timor Post asesu liuhosi Grupu Media Nasionál, Kinta-kalan (09/11/2023).

Liuhosi aktu sira ne’e, Komisaun Nasionál Eleisaun (CNE) no Sekretariadu Tekniku Administrasaun Eleitoral (STAE), maka bele pronunsia pozisaun iha ne’ebé, la’ós hothotu halo julgamentu iha li’ur katak prosesu hotu ladi’ak.

Ministru ne’e dehan, problema maka ida ne’e xefe aldeia sira hakarak eleisaun mais demokrátiku iha mundu ho xefe suku hanesan, meta porsentu 50+1, atu hili iha kandidatu kualifikadu.

“Iha bulletin votu falta, kabina votu falta, urna falta, transporte falta, aat liu tan, ha’u rona iha notísia dehan foin daudaun eleisaun ne’e gasta osan millaun 7 USD, orsamentu ne’e transfere ba STAE atu jere, la liu husi Ministériu Administrasaun Estatál”, nia preokupa.

Lee Mós :
Galeria Foto Komisiu CNRT iha Manatutu

Tanba ema hotu-hotu iha asuntu gosta ka la gosta buat seluk ida, maibé norma tenke la’o, liuliu respeita normal eleisaun foin liubá ne’e, se la kumpre kalendáriu ne’e aktu ida eleitpór viola.

“Se ita kumpre hela kalendáriu no prazu sira, problema maka prazu ne’e, balu dehan Ministériu fase liman laiha prazu iha kalendáriu ita kumpre ne’e”, nia konta.

Kuandu MAE la konsege organiza órgaun eleitorál sira hanesan CNE ho STAE, atu kumpre material sira ho nia tempu, hanoin ida ne’e buat seluk.

“Ha’u hakarak ko’alia iha ne’e, tendénsia ne’e mais polítiku, kuandu la konkorda dehan aktu ne’e sala, ita haruka ba tribunal, para tribunal pronunsia pozisaun ne’e, bele bolu sosiedade se-se de’it, bele bolu para bele fó nia aktu sobre supervizaun”, nia sadik.

Loloos ne’e, Parlamentu Nasionál bolu CNE nu’udar órgaun ida halo supervizaun ba aktu eleitorál ne’e, la’ós hotu-hotu ba ko’alia fali dehan iha fallansu, fallansu iha saida, fallansu iha saida.

Bazeia lei númeru 9/2016 ninia prosesu eleisaun tau iha kalendáriu, se la kumpre kalendáriu maka iha problema, kestaun maka dehan tanba forma kle’ur, regra maka dehan hanesan nune’e, balu dehan eleisaun la uza tinta lei mós dehan la uza tinta, órgaun tékniku sira labele, órgaun tékniku rua ne’e ba fó tékniku de’it.

Lee Mós :
MAE Prevee Orsamentu Rihun 90 USD ba Serimónia Konsulta Popular

Asembleia aldeia maka hili kompozisaun meza, tanba lei maka hakarak dehan hanesan ne’e, eleisaun tenke la’o tuir lei iha regra nia laran, se-es husi eleisaun asembleia aldeia no kandidatura sira kritika katak, viola regra, entaun tenke kumpre.

Nia esplika, kadernu eleitorál iha STAE ba baze dadus liuhusi resenseamentu, depois baze dadus maka fó tanba sá maka iha 28 Outubru liubá, prosesu la’o kle’ur, tanba lei maka hatete, tanba sá maka tenke rejista, rejista atu bele hatene persentajen 50+1 la’ós atu kaer númeru tomak.

Hafoin Administradór Postu Administrativu sira iha nivel kraik maka sira, tanba Administradór Postu sira maka valida no proklama rezultadu prosedimentu la’o hanesan ne’ebá, órgaun tolu maka la’o hanesan ne’ebá.

Asembleia aldeia no suku depois maka Administradór Postu Administrativu, agora CNE ho STAE iha lei hatete dehan sira ba fó asisténsia tékniku katak azuda.

Tanba lei maka regula ida ne’e, loloos ne’e Governu anterior kria suku no Postu Administrativu remata tiha, halo kedas alterasaun ba lei ne’e, tanba nonu Governu tama loos iha tempu atu mandatu remata.

Buat ida ne’ebé Governu anterior halo molok mandatu remata, sira muda tiha STAE ba Empreza Públiku, se Empreza Públiku servisu administrasaun no finansas nia remata de’it iha MAE, uluk STAE tutela direita mai MAE agora lae.

Lee Mós :
Garante ElPar La'o Kondusivu, CNE-IFES Konvoka Workshop Nasionál

Entretantu, Prezidente Komisaun  Nasionál Eleisaun (CNE), José Agostinho da Costa Belo, hatete, prespetiva CNE hanesan Órgaun Independente la tama iha kestaun polítika. Tanba saida maka mosu kritika iha media sosiál, ema hotu tenke haree no tetu haree ba lei, tanba eleisaun 2016 haree fali jornál no YouTube sira, kritika hanesan de’it.

Agora, kabe ba deputadu sira liuliu ba Governu atu halo lei ne’e, tanba Parlamentu Nasionál, atu halo lei proposta mai husi Governu, projetu lei mai husi deputadu sira, ne’ebé kritika la’ós foin mosu agora.

Governu bele muda ema bele troka malu, maibé situasaun no preokupasaun sira atu hanesan, tanba ne’e maka CNE hanesan Órgaun Independente, antes ba eleisaun previzaun atu mosu uluk eleitór rihun 2 agora pasa ba rihun 3. Ema hakarak eleisaun hotu-hotu tuir padraun internasionál, supervizaun la’ós de’it CNE maibé observadór barak mós partisipa.

Governu ho Parlamentu Nasionál presiza hanoin oinsá atu muda lei ne’e, liuliu atu responde ba númeru eleitór ne’ebé aumenta, prosedimentu la’o lalais hotu-hotu tenke buka maka ida ne’e.

 1,431 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kritika Servisu Eleisaun, MAE Husu Hato’o Keixa” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No