Timorpost.com | NASIONAL – Prosesu formasaun governu foun IX governu konstitusionál posibilidade deside ohin hosi órgaun soberania Prezidensiál ho partidu rua hanesan CNRT ho PD.
Informasaun refere, Timorpost.com asesu hosi fonte internal balun Kuarta 07/06/2023, katak tuir informasaun ne’ebé Parlamentu Nasionál aseita atu governu foun simu pronunsia mos iha 22 Juñu.
Tuir ajenda ohin, Prezidente Repúblika Jose Ramos Horta sei komunika ho partidu rua, hanesan CNRT ho PD, sesaun dadeer hasoru uluk CNRT no sesaun Loraik hasoru tan PD.
Sikun seluk Informasaun hosi Parlamentu Nasionál, Lider bankada parlamentár liuhusi konferénsia deside tiha ona loron 22 Juñu 2023 hala’o plenária dahuluk lejizlatura daneen.
Desizaun ne’e foti hafoin Prezidente Parlamentu Nasionál Aniceto Guterres diskute ho Prezidente Repúblika José Ramos Horta.
“Ami ko’alia kona-ba transferénsia husi kinta-lejizlativa ba sesta-lejizlativa nian, tuir rejimentu tenke hahú ho reuniaun, agora atu realiza primeiru reuniaun ne’e. Bainhira ami iha interpretasaun diferente, ha’u ho exelénsia señór Prezidente da Repúblika, ami iha interpretasaun ne’ebé diferente, biar diferente tanba interese Estadu, interese atu prosesu sira bele halo, ha’u tuir de’it interpretasaun Xefe Estadu nian,” nia informa iha Palasiu Prezidensiál Bairru-Pité, Tersa (06/06).
Tuir interpretasaun Xefe Estadu nian katak iha loron 15 nia laran, hafoin Tribunál Rekursu (TR) halo validasaun ba rezultadu Eleisaun Parlamentár 2023, tenke realiza ona primeiru reuniaun lider bankada.
“Biar ha’u la konkorda ho Prezidente Repúblika ninia interpretasaun ba interese Estadu nian, ha’u konkorda atu realiza para dentro prazu legál ida ne’e,” Aniceto subliña.
Bazeia rejimentu parlamentár artigu 93 iha alínea 4 katak, Deputadu Parlamentu Nasionál iha mandatu ba tinan-lima. Signifika mandatu lejizlatura dalimak sei remata iha fulan Juñu 2023.
Hafoin tomada posse ba membru parlamentu foun maka iha ona biban ba forsa polítika foun forma governu dasiak.
5,284 total views, 18 views today
