REZULTADU SURVEI
KONABA KOLIGASAUN PP NEBEE DIAK LIU HODI MUDA POVU NIA MORIS BA DIAK LIU.
Estanislau Saldanha Discussion Cafe halo survei online ba nia membru konaba koligasaun nebee diak liu hodi halo mudansa ba povu nia moris. Survei nee halao online, hahu husi 18 too 20 Abril 2023 ba membru Cafe hamutuk 6400. Membru hotu hetan oportunidade hanesan hodi partisipa. Ema nebee partisipa iha survei nee hamutuk 209. Rezultadu survei mak hanesan tuir mai:
1. CNRT + PD. 80%
2. FRETILIN + PLP + KHUNTO. 14%
3. CNRT + FRETILIN.
4. CNRT + F. 2%
5. FRETILIN! + PLP + KHUNTO + PD. 1%
6. Seluk. 3%
Hare husi rezultadu survei nee hatudu katak maioria membru Cafe nebee partisipa hakarak CNRT ho PD mak halo koligasaun (80%). Sira fiar katak koligasaun nee mak diak liu hodi halo mudansa ihaTimor-Leste hodi muda povu nia moris ba diak. Nee indika katak koligasaun rua nee iha programa, ema ho komitimentu diak liu hodi dezenvolve povu ho nasaun. Atu halo mudansa diak, PP rua nee presiza ema diak ho meritu sai membru governu dezempenha programa hodi halo mudansa.
Tuir mai koligasaun FRETILIN, PLP ho KHUNTO (14%). Maski nunee konfiansa nee la too 50% votu husi koligasaun CNRT ho PD, maski PP sira nee mak agora kaer hela governu. Koligasaun governu agora plus tan ho PD hetan persentajen kiik liu tan (1%). Implikasaun husi nee mak koligasaun PP nee tenki servisu makas ho hamutuk hodi hatudu katak sira sei halo diak liu agora no uza ema diak liu iha governu hodi halo mudansa ba diak. Fator nebee sai kontraprodutivu iha koligasaun nee mak hatudu seriamente konaba politika inklusividade. Nunee mos abilidade dezempenha programa. Tb fator nebee impede makas hd dezempenha mak inklusividade, COVID-19 ho dezestra naturais (inundasaun). Fator seluk mos mosu tanba residu husi dezintegrasaun koligasaun CNRT, PLP, KHUNTO hd hamosu governu tongka husi FRETILIN.
Ema barak espera PP boot rua CNRT ho FRETILIN forma koligasaun hodi hadia Timor-Leste. Tanba partidu boot rua nee iha kadeira boot liu iha PN hodi halo mudansa ba diak. Liu-liu hadia lei sira ho sistema iha area oi-oin. Maski nunee, rezultadu survei hatudu kontradiktoriu tanba hetan deit fiar (1%) husi membru Cafe nee.
Maski nunee, survei nee iha limitasaun. Limitasaun survei nee mak kobre deit membru cafe ho partisipa deit husi 209 respondente. Confidence level 95% ho margin of error 6.67%. Respondente sedauk adekuadu hd reprezenta total membru cafe, sa tan, votante Timor-Leste iha tinan 2023 hamutuk 900,000. Nunee iha limitasaun ba jeneralizasaun.***
4,719 total views, 3 views today
Bele hare Video Seluk :
Subscribe to Timorpost
