DILI—Partidu Os Verdes de Timor (PVT), sesta (21/04), halo kampaña eleitorál iha Munisípiu Manufahi, hato’o sira nia kompromisu neen ba militante no simpatizante sira.
Prezidente Partidu Os Verde de Timor, Lela Hunu, hatete, bainhira Povu fó fiar ba partidu Os Verde de Timor hodi ultrapasa barreira ho kadeira 5 ba to’o 7 iha eleisaun parlamentár 2023 maka partidu sei utiliza orsamentu subvensaun públiku hodi implementa kompromisu sira nee.
“Verde sei uza osan ida hodi prepara sentru formasaun ba imi prepara imi, trata viza ba imi , ita atu ba rai li’ur it presiza via de traballu, Ita tersetu 50 mil votu atu bele implementa ida ne’e,” nia deklara ba militante no simpatizante sira iha Munisípiu, iha kampu futebol Merkadu Lama Same, Manufahi.
Nia dehan, orsamentu subvensaun publika ne’ebé partidu hetan hosi kada karreta ne’ebé nia hetan la’ós atu uza ba sosa karreta no motor ka ba interese partidu nian maibé ba membru tomak verde nian.
Kompromisu neen ne’ebé PVT sei implementa bainhira hetan fiar hosi povu maka sei harii sentru formasaun professional ba verde nian oan tomak, sei Servisu ho global green hodi implementa programa empregu verde hamutuk 50.000 ba membru tomak iha nasaun 10 hanesan Australia, Nova Zelándia, korreia, Japan Canada Inglaterra, Irlanda repúblika, Irlanda do norte, Scotland no Switzerland.
Sei implementa programa verde hamutuk rihun ida, empreza verde/kooperativa verde hanesan kiak animal fahi no seluk tan ba estrutura família verde iha Timor Leste, Sei luta no servisu hamutuk ho global green hodi implementa programa bolsu estudu ba família verde.
Harii indústria hahán ba fahi manu no ikan hodi suporta implementasaun programa empreza kooperativa verde ba membru sira no sei Instala Embaixadór iha nasaun hamutuk 10 hodi trata viza traballu no kontratu traballu hodi apoiu programa rihun 50 empregu verde.
Iha kampaña loron daruak Os verdes iha kampu Betanu Same partisipa másimu husi militante sira no hetan seguransa másimu husi PNTL Manufahi, no superviziona husi órgaun Eleitorál CNE. Kampaña ba loron daruak partidu Os Verdes sei hahú iha Suai Kovalima tipu Komísiu.
2,097 total views, 3 views today
Bele hare Video Seluk :
Subscribe to Timorpost
