DILI (timorpost.com)—Governu liuhusi Konsellu Ministru (KM), ohin, Kuarta-Feira (06/09/2023) aprova ona dekretu governu Nú.19/2022, loron 11 fulan-Maiu, relasiona ho klasifikadores orsamentais.
“Konsellu Ministru ohin aprova ona projetu Dekretu Governu, kona-ba alterasaun dahuluk ba Dekretu Governu Nú.19/2022, loron 11 fulan-Maiu, relasiona ho klasifikadores orsamentais,” Timor Post asesu iha Komunikadu Imprensa, Kuarta Feira (06/09/2023).
Proposta ne’e aprezenta hosi Ministra Finansas (MF) Santina José Rodrigues F. Viegas Cardoso, hafoin reuniaun Konsellu Ministru.
Atu fasilita komprensaun ba klasifikasaun foun hosi reseita no despeza públikas, ninia objetivu atu agrupa kategoria sira iha grupu lima nivel primeiru nian ne’ebé korrespondente ho kategoria anteriór sira, hodi transforma kategoria sira ne’ebé iha, daudaun ne’e sai sub-kategoria, hodi halo klasifikasaun ekonómika despeza nian sai nivel haat.
Aproveita hodi halo mós detallu ba sub-kategoria operasoins estra-orsamentais nian, no mós halo korresaun uitoan ba klasifikasaun.
Alende ne’e, Konsellu Ministru aprova mós projetu dekretu-lei, ne’ebé aprezenta husi Ministru Prezidénsia Konsellu Ministru, Agio Pereira no husi Sekretária Estadu, Elvina de Sousa Carvalho, ne’ebé aprova Orgánika Sekretaria Estadu Igualdade nian.
Sekretaria Estadu Igualdade inklui servisu lubun ne’ebé apoia Sekretária Estadu Igualdade iha ezersísiu ba ninia kompeténsia sira, liuliu iha promosaun igualdade jéneru iha leis, polítikas públikas, planu estratéjiku no operasionál.
Programa governamentál sira no iha Orsamentu Jerál Estadu (OJE), iha sensibilizasaun públiku ba kestaun sira igualdade jéneru no inkluzaun, eliminasaun diskriminasaun no violénsia kontra feto no labarik no promosaun ba partisipasaun feto sira iha vida polítika no sósiu ekonómika nasionál.
1,011 total views, 9 views today
Bele hare Video Seluk :
Subscribe to Timorpost
