DILI— Partidu Libertasaun Popular (PLP), fasilita karreta Angguna-rua hodi tula eleitor sira ba iha postu administrativu Turiskai no postu Fatuberliu, Munisipiu Manufahi.
Koordenador Movimentu Munisipiu Manufahi, Celestino Martins Soares, informa, tanba haree ba kondisaun mota boot rua iha Manufahi ne’ebé bele ameasa komunidade sira nia viajen ba hela ftin nune’e Karreta Angguna rua ne’e sei lori eleitor sira ba hatun direta iha ida-idak nia postu, hafoin ne’e ba ida-idak la’o ba nia uma.
“Karreta rua nee, karreta ida hetan 160 dollar, hodi tula pasajeiru sira, nee transporta ba deit, kuandu fila mai sira maka buka rasik”, nia informa ba Timor Post, iha jardin 5 de Maiu Kolmera, Kinta (18/05).
Nia hatete, agora iha ona eleitor nain 70 resin maka iha ona karreta laran no prepara ona atu arranka, númeru ne’e sufisiente ona, sei la tula tan eleitor sira ne’ebé hakarak atu tuir tanba fatin nakonu ona.
Karreta rua ne’e fasilita de’it eleitor sira ba to’o iha ida-idak nia postu maibé bainhira atu fila fali ne’e eleitor ida-idak nia responsabilidade.
“Kuandu dia 21 Maiu sira vota hotu, dia 22 de Maiu ida-idak fila tuir sira nia atividade,” nia dehan.
Ikus nia husu ba pasajeiru sira atu kuidadu malu, nunee viajen nee bele lao too iha ida-idak nia fatin.
Observasaun timor post nian, nota katak husi karreta rua nee, pasajeiru sira nakonu iha laran no pasajeiru balu hamriik deit iha karreta lolon.
1,455 total views, 3 views today
Bele hare Video Seluk :
Subscribe to Timorpost
