DILI—Iha ámbitu kampaña Eleisaun Parlamentár (ElPar), Provedoria Diretu Umanu no Justisa
(PDHJ sigla portugés), sei halo monitorizasaun ba munisípiu Baukau, Manufahi ho Maliana
inklui Rejiaun Administrativa Espesiál Oe-Cusse Ambeno (RAEOA), tanba menus rekursu
umanu.
Provedór PDHJ, Virgílio Guterres, hatete kuandu iha períodu eleisaun, PDHJ iha papél atu
envolve iha monitorizasaun, tanba ne’e mak ekipa monitorizasaun preparadu ona, ne’ebé mak
tuir planu sei apoiu delegasaun territorial haat.
“Ohin ofisialmente lansa no destaka tuir planu ne’ebé mak iha, fó apoiu ba delegasaun territorial
haat, hanesan Oekusi, Baukau, Same ho Maliana no mós apoiu husi nasionál nian, para oinsá
bele halo kobertura ne’ebé mak másimu”, nia informa ba jornalista sira iha JL-Vila Fatuhada,
Segunda (17/04).
Nia dehan, tanba rekursu limitadu, entaun monitorizasaun sei la kobre territóriu tomak, maibé
sei buka atu identifika mobilizasaun ne’ebé iha, hodi haree ba infrasaun ruma ne’ebé relasiona
ho violasaun direitu umanu ou violasaun infrasaun kontra boa governasaun nian.
“Ami mós hetan ona apoiu husi patrimóniu estadu, ne’ebé fasilita PDHJ ho karreta, ami husu
karreta 12 maibé mai de’it lima, maizumenus ami hetan atu fasilita servisu sira ne’e," nia relata.
Nia haktuir, PDHJ hanesan instituisaun ida ne’ebé mak tau matan ba infrasaun ne’ebé viola
diretu umanu no mós viola boa governasaun. Ida ne’e sei kontinua tau matan liuhusi
komunikasaun ho entidade órgaun eleitorál CNE ho STAE, no mós autoridade sira seluk, para
oinsá garante prosesu kampaña ne’ebé armoniozu, inklui partidu polítiku sira bele aprezenta
programa polítiku, envés sira trata malu ou hatete at malu.
“Ita la’ós tuituir partidu polítiku sira, maibé ita haree dala ruma partidu balun liuliu ba partidu sira
ne’ebé agora ukun hela, dala barak iha tendénsia uza patrimóniu estadu sala, entaun ida ne’e
mak PDHJ atu taman, nune’e mós tau matan tan mak envolvimentu labarik sira nian durante
Kampaña”, nia afirma.
Ante ne’e, Komandante Tránzitu PNTL Munisípiu Dili, Inspetór Polisia, Domingos Sarmento
Gama, hatete seksaun tránzitu hola parte iha ekipa konjuntu ba fiskalizasaun viatura estadu.
Ekipa konjuntu ne’e kompostu husi PNTL, Patrimóniu Estadu, KAK no IJE.
“Operasaun konjuntu ne’e foku liu ba viatura estadu, ne’ebé mak halo movimentu iha loron
feriadu”, nia afirma.
1,914 total views, 3 views today
Bele hare Video Seluk :