MANUFAHI–Lideransa troika partidu Frenti Revolusionariu Timor-Leste Independensia (FRETILIN) Lere Anan Timur hafoin halo Komisiu diskursu aberta iha estadium Municipal Manufahi no momentu ne’eba hetan desentendimentu husi militante Fretilin rasik hasoru lideransa troika nia Komisiu.
Desentendementu ne’ebé akontese, lideransa troika, Lere Anan Timor hateten, iha loron 3 fulan-Marsu tinan 1981 Fretilin sai partidu Marxista no lenista Fretilin.
“Iha membru Komite Sentrál Fretilin (CCF) iha ami na’in 9 no sira mate hotu ona hela hau mesak deit” dehan Lere Anan Timor, iha estadium Same, Sabadu (22/04).
Ho liafuan ne’ebé lere dehan sira membru nain sia (9) maibé seluk mate hotu no hela nia mesak ne’e hetan kedas hata’an husik militantes Fretilin ida iha fatin komisiu katak “Tebes ka lae”.
Rona tiha militantes ne’e hataan dehan, tebes kalae, lideransa troika ne’e dehan, jerasaun foun tenki hatene istoria.
“Kona-ba lideransa nain sia (9) ne’e Lere dehan, ha’u testamuna vivu. Ha’u mós iha konferensia” dehan lere.
Ho liafuan ne’ebé joven militante ne’e hataan ne’e, lere rekoñese ema hotu ne’ebé hamutuk iha Komisiu refere mai husi koor oioin maibé uma lisan ida de’it mak Fretilin.
“Tinan 5-10 mai ema barak sei nadodon mai uma lisan maibé ba Fretilin maske ami lideransa sira ne’e laiha ona mós Fretilin sei lao ba oin nafatin”dehan nia.
Lere kontinua halo Komisiu hodi dehan, hakarak responde ba alin ne’ebé ohin hataan dehan tebes kalae nee.
“Ha’u hakarak hataan deit katak, la’ós ema mak konta istoria ba hau, ha’u nia liman fuan ne’ebé tuuk ne’e la’ós ba na’ok ema nia aifarina” eis jeneral ne’e sublina.
Nune’e to’o, lider troika ne’e temin dehan, saudozu ne’ebé mate ne’e la’ós tanba Corona maibé mate tanba funu.
Tuir observasaun Timor post katak, ho liafuan ne’ebé joven ho atributu Fretilin ne’e hasai dehan “Tebes kalae” ne’e hetan kedas reasaun husi militantes Fretilin ninian hodi hakat ba buti joven ne’e ninian kakorok.
“Bainhira situasaun refere barullu oitoan lider troika ne’e hateten, dehan husik Fretilin tenki marka diferente, se ita nia maluk ko’alia hanesan ne’e husik ba.
Situasaun komesa barullu, lider troika ne’e dehan, tuir prinsipiu Fretilin tenki rona malu, no tenki halo tuir prinsipiu igreja katak hadomi o nia maluk hanesan hadomi o nia a’an.
Entretantu tuir observasaun Timor post nota katak, maske iha desentendimentu maibé la fó impaktu ba Komisiu no situasaun lao hakmatek too kampaña remata.
Maibé joven refere atributu faru ho bandeira militantes sira kolu sai kedas hosi isin iha komisiu kampaña ne’e no sidadaun ne’e ekipa foti entrega ba parte seguransa hodi ba asegura iha komandu polisía distritu Manufahi.
Ba situasaun ne’e Diretora Komisaun Nasionál Eleisaun (CNE) munisípiu Manufahi, Melina dos Reis hateten, aktividades kampaña kandidatura número sorteiu 11 ne’e lao tuir regras.
“aktividades kampaña lao tuir regras maibé akontesementu ne’ebé akontese ne’e parte CNE observa problema privadu ka partidu nian” esplika Melina.
Tuir Diretora CNE rekoñese ida ne’e problema privadu, maibé karik sidadaun kontra regras ne’e bainhira uza nia kamizola la’ós partidu ida nian.
“Maske ninia kronolojia tanba saida maibé CNE hare katak akontesementu refere la’os kontra lei ni krimi ne’ebé mak estabelese ita nia nasaun” nia haklean.
Sikun seluk komandante komandu polisía distritu Manufahi superintende, Joni Viana das Regras argumenta, kazu ne’ebé akontese ne’e la perturba orden Públiku tanba ida ne’e konsidera hanesan uma laran rasik.
“Ida ne’e hanesan uma laran neduni ohin parte autóridade lori ona joven ne’e ba iha postu administrativu Alas tanba nia sidadaun postu Alas” dehan komandante Joni.
Neduni situasaun seguransa ba kampaña partidu politika ho númeru sorteiu 11 ne’e iha Manufahi lao kontroladu.(lcl).
30,663 total views, 3 views today
Bele hare Video Seluk :
Subscribe to Timorpost
