Dili (timorpost.com)—Polisia Nasionál Timor-Leste (PNTL), ohin Segunda (17/04), halo simulasaun daruak ba preparasaun eleisaun parlamentár ne’ebé mak sei realiza iha 21 Mei 2023 hetan asidente karreta taka fila.
Simulasaun ne’e hala’o iha komandu Unidade Espesiál Polisia “UEP” Bairru-Pite.
Komandante Jerál PNTL Komisáriu Henrique da Costa hatete asidente ne’ebé akontese ne’e normal tanba la iha membru ida mak grave iha asidente refere.
“Ita agradese tanba iha simulasaun daruak ba loron ohin mosu asidente karreta taka fila, maibé la iha membru ida mak hetan grave, no membru hotu kondisaun di’ak” nia haktuir lia hirak ne’ebé ba jornalista sir iha fatin treinamentu, UEP, Bairru-Pite, Dili.
Nia haktuir, kona ba ekipamentu PNTL sei buka meius hodi hetan, maibé membru PNTL nia saúde no Vida importante.
Komisáriu mós orienta ona ba parte lojístika nian hodi haree karreta ne’ebé involve iha asidente ne’e atu hadi’a lalais.
“Husi asidente sira ne’ebé akontese hatudu katak serbisu Polisia Nasionál Timor-Leste (PNTL) la fasil. Maski hasoru obstákulu no dezafiu barak, maibé ezisténsia PNTL prontu simu kualkér situasaun saida de’it. Ho trenó ne’ebé mak makas katak PNTL prontu atu servi povu no nasaun ida ne’e”. nia haktuir.
Iha Fatin hanesan Vise Ministru Interior (V-MI), Antonio Armindo, haktuir karreta sira ne’ebé uza ba simulasaun ne’e karreta ne’e loloos uza ba operasaun nian la’ós dezeña ba treinamentu nian.
“Enkuantu ho akontesimentu sira ne’e fó hanoin ona ba governu katak karik atu sosa karreta ba formasaun trenamento nian presiza ko’alia detalho ho formadór sira sítiu karreta ne’e ida ne’ebé mak los”
Entretantu iha simulasaun ne’e hetan asidente karreta ida taka fila rezulta membru PNTL ne’ebé envolve iha simulasaun refere na’in neen hetan kanek kaman.A
Antes ne’e iha simulasaun loron 15 Fulan Abríl akontese primeiru asidente karreta taka fila iha fatin hanesan UEP rezulta membru na’in rua kanek. hafoin akontesimentu nee membru ne’ebé hola parte iha simulasaun ho karreta ne’e hetan kedas intervensaun husi médiku PNTL nian no hetan kedas vizita husi Komisáriu Jerál hamutuk ho Segundu Komandante no Vise Ministru Interior.
2,211 total views, 3 views today
Bele hare Video Seluk :