Dili (timorpost.com)—Segundu Komandante Jerál Polisia Nasionál Timor-Leste (PNTL), Komisáriu Polisia Pedro Belo, hatete, PNTL sei la tolera kriminozu sira halo Krime iha ámbitu kampaña no eleisaun parlamentár.
“Husu ba maluk sira hotu atu hakmatek iha fatin. Se enkuantu halo krime mak PNTL sei la tolera”, dehan Komisáriu Pedro Belo, iha Timor Plaza, Tersa, (04/04/2023).
Nia Husu ba sidadaun sira hotu lalika laran taridu, tanba polisia nasionál Timor-Leste sei responde kualkér situasaun ne’ebé mak atu mosu iha rai laran.
“Parte PNTL preparadu hodi fó asegura no seguransa ba iha festa demokrasia eleisaun parlamentár ne’e, tanba ne’e husu ba sidadaun hotu hakmatek kontribui ba paz no estabilidade iha eleisaun ne’e”
Nia haktuir, parte Komandu nasionál, bolu no husu ona informasaun ba komandu distritál sira hodi relata relatóriu konaba preparasaun iha terenu hodi hasoru eleisaun parlamentár ne’ebé sei realiza iha loron 21 fulan Maiu Tinan 2023 ne’e.
Konaba difikuldade, bele dehan sufisiente para atu bele hala’o servisu, tanba haree ba tempu badak, maski sufisiente saida de’it mak iha tenke jere oinsá mak atu bele responde ba situasaun hotu ne’ebé mak sei mosu iha eleisaun Parlamentár tinan ne’e.
2,463 total views, 3 views today
Bele hare Video Seluk :
Subscribe to Timorpost
