DILI (Timor Post) – Atu simu Kardeál Dom Virgílio do Carmo da Silva, fila mai Timor Leste, Polísia Nasionál Timor-Leste (PNTL), Nia Unidade Polísia Tránzitu Rodaviaria, hahú oras tuku 6:00 taka ona dalan ba Aeroportu Internasionál Nicolau Lobato Komoro.
Observasaun Timor Post Online, membru Polísia Tránzitu sira ne’e taka dalan no organiza sarani sira atu bele hakmatek tuir estrada ninin hodi hein prezenzsa Kardeál nian.
Tanba ne’e sarani sira tuir dalan ninin ferik, katuas joven no labarik sira hamrik ho hakmatek no kontente hahú kedas hosi Estrada diresaun ba Aeroportu Komoro tama to’o areadores Aeroportu nian.
Tuir Ajenda, Kardeal to’o iha Aeroportu, sei hala’o konferénsia imprensa, hafoin simu ho serimónia Kulturál mak kontinua la’o ba Igreja Katedrál hodi hala’o misa.
Maluk sira ohin Segunda (05/09), hanesan loron ksolok ba Timoroan tomak, tanba Kardeál dahuluk rai Timor ninia oan rasik, Kardeál Dom Virgílio do Carmo, sei fila hikas mai nia rai moris fatin hodi kontinua servi uma kreda Katólika Timor-Leste.
Kardeál Dom Virgílio do Carmo da Silva, moris iha Munisípiu Baukau Postu Administrativu Venilale, iha loron 27 fulan Novembru tinan 1967, oan husi Aifuan domin entre, José do Carmo ho Isabel da Silva.
Kardeál Dom Virgílio do Carmo da Silva, sai Amu Bispu iha tinan 2016 hafoin nomeia husi Papa Francisco Bento XIV, no iha tinan 2019 foti nia sai hanesan Arsebispu Arquidioseze Metropolitana Dili, no kontinua iha loron 27 fulan Maiu Papa Francisco anunsia tan hodi hili nia sai Kardeál dahuluk Timor-Leste nian.
2,218 total views, 3 views today
Bele hare Video Seluk :