DILI (Timor Post.com)—Akontesimentu iha Munisípiu Laútem, Postu Laútem, Suku Paira, oknum Polisia Nasionál Timor Leste (PNTL) ida uza arma nasaun nian tiru joven ida mais ou menu iha oras tuku 7: 35 minutu tempu kalan.
Tu’ir kronolojia ne’ebé Timor Post asesu, husi komunidade, Pairara, Migi Freitas Sampaio ho Amadio Gouveia, sira hatete akontesimentu oknum PNTL tiru Joven mane refere kauza husi manu-futu.
“Iha jogu manu-futu iha aldeia Kapuru hasoru suku Pairara, bainhira iha dalan derrepente joven ida husi suku Pairara hetan baku husi joven aldeia kapuru nian”. Haktuir fontes mai Timor post, Sesta (22/09).
Entaun Joven sira husi Suku Pairara, fila ba dada malu, hodi mai halo asaltu iha komunidade aldeia Kapuru hodi hamosu konfronta entre suku rua.
“Mosu konfronta PNTL too iha fatin konflitu asegura ho kilat ne’ebé mak tarutu dala-lima (5), no bala musan ikus rezulta joven suku Pairara ida monu fatin”. Fontes konta kronolojia.
Joven ne’ebé hetan tiru husi oknum PNTL ne’e, husi suku Pairara tiru iha nia ain-karuk borus iha ai-los no tohar hotu. Nia hateten.
“Ami Komunidade husi suku Pairara, husu ba komandante Jerál PNTL, toma atensaun ba membru sira iha terenu, bainhira halo atuasaun, tanba funu laiha ona, maibé realidade sei iha, ami povu la’os inimigu atu tiru ami hanesan animal fuik,.” Komunidade informa.
Alende ne’e mós polísia Nasionál Timor-Leste, Calvao Amaral, dehan ba komunidade iha suku Pairara liuhusi media sosial katak, Oknum PNTL la’ós bulak naran tiru arbiru, nune’e labele fahe informasaun ba públiku.
1,233 total views, 9 views today
Bele hare Video Seluk :
Subscribe to Timorpost
