DILI (timorpost.com)—Relasiona ho ordem Primeiru Ministru Kay Rala Xanana Gusmão liga ba membru seguransa no defeza inkilina an iha grupu GAM-GAR atu hapara husi servisu instituisaun, Jurista Timoroan, Alexandre Corteal Araújo, hatete Governu Presiza hare didi’ak antes hapara membru PNTL sira iha instituisaun refere tanba de’it envovlve an iha grupu sira.
Nia dehan, bainhira identifika membru ida mai husi arte Marsiais ida ne’ebé no ida ne’ebá maibé presiza haree nian partisipa iha krime sira iha ka lae, hanesan baku malu no tuda malu no inklui oho malu, hafoin bele hare kestaun sira ne’e.
“Maske ita hatene membru ne’e arte Marsiais ida, se iha dixiplina ida no regra ida dehan katak la bele partisipa arte marsiais entaun sira bele hadook an husi arte Marsiais, entaun ita la bele hasai sira, presiza haree didiak membru neé komete dunik iha problema ka lae” dehan Alexandre ba Timor Post, Domingo (19/11).
Aleinde nian hatete, ho ida ne’e presiza investigasaun dahuluk molok asaun. ida-ne’e konsidera prosesu ne’e legal liga ba iha direitu umanu.
“Ezemplu, ita deteta membru ida partisipa iha arte Marsiais entaun tenke liuhusi investigasaun para nia bele deklara katak hau arte Marsiais ida nee no ida neeba, maibe hau kontinua partisipa iha arte Marsiais ida nee, hafoin ida nee mak tenke hasai nian, maibe karik nia hakarak husik arte Marsiais entaun la bele hasai nian,”dehan nia.
Nia afirma, tenke haruka halo deklarasaun no asina katak promete sei la partisipa iha arte Marsiais, maibe ikus mai hare nia partisipa tenke hasai hodi kumpre nian deklarasaun.
Molok ne’e, Governu Konstitusionál liuhosi Ministériu Interiór hateten sei hasai membru Polisia Nasional Timor-Leste (PNTL) hosi grupu oioin ne’ebé sira envolve hodi serbí de’t instituisaun, povu no Estadu.
Ministru Interiór, Francisco da Costa Guterres, dehan, Governu tenta hela atu konsolida Polisia ho kestaun oioin, Primeiru, revizaun bá sira-nian estatutu hodi bele organiza fila-fali instituisaun PNTL ne’e rasik hodi nune’e bele atribui fali kompeténsia ne’ebé maka tuir konstituisaun atu membru Polísia sira halo servisu ne’e ho di’ak.
Nia afirma, dala barak públiku sira hakilar polísia sira mai nee baku deit, mais polísia la halo buat ida, tanba iha interese hela.
Governante nee fó ezemplu, hanesa SH (Setia Hati) ho Sete-Sete (77) baku malu, SH mak baku uluk Sete-Sete, maibé tanba Polisia ne’e membru PSHT, entaun Polisia mai purada Sete-Sete to’o dolar didi’ak, bele mos akontese balik fali tanba ne’e governu tenke dezvinkula.
Tuir nia, Ministeriu Interiór halo ona despaixu ba Komandu Jerál PNTL, atu identifika hotu kedas membru ne’ebé mak asosia, ka vinkula ho asosiasaun sira ne’e hotu, para depois, sira halo formatura ida, atu dezvinkula tiha sira hosi asosiasaun sira ne’e hotu ho neutru.
570 total views, 12 views today
Bele hare Video Seluk :
Subscribe to Timorpost
