DILI, (Timorpost.com)— Sosiédade Sivíl husu ba Polisia Nasional Timor-Leste (PNTL), foti medida rigoroju ba sidadaun “nauk ten” sira ne’ebe mak sempre hadau ema nia sasan, halo tauk ema iha Kapital Dili.
Diretor Ezekutivu FONGTIL, Valentim da Costa, hatete, relasiona ho labarik feto ida lakon vida ho nia inan kanek grave, ne’ebe hetan asidente iha Praia dos Qoqeiros Dili, PNTL tenke foti asaun rigoroju ba na’uk ten sira nia aktus nau’uk ne’e.
“Aktu ida-ne’e fenomena foun ida ne’ebe, ita presiza tenke husu ita nia parte seguransa, liu-liu polisia sira tenke tau atensaun serius, tanba nia grafik kontinua sae no movimentu ne’e akontese iha fatin-fatin. Entaun ami rekomenda ba ita nia Polisia nasional, liu-liu ba servisu nasional no intelejensia nasional nian no OPS sira, hodi bele hare kestaun ida ne’e, hodi kontrola ho diak, maibe presiza mos tenke servisu hamutuk ho ita nia autoridade xefe suku no xefe aldeia no mos grupu joven sira, para bele ajuda hodi kontrola,”dehan Valentim ba jornalista sira iha Otel Timor hafoin partisipa Serimonia Aniversáriu REBAS-TL ba Dala-2 Sesta (24/05).
Asaun ne’ebe halo ema lakon vida, ne’e situasaun ida ne’ebe grave, presiza tenke investiga no hametin ita vijilansia kontinua para la bele hakotese iha futuru.
“Situasaun sira hanesan ne’e akontese hela deit, entaun parte seguransa presiza aumentu vijilansia patroliamentu iha sidade Dili tenke halo, no tenke hadia mekanizmu vijilansia no konduta kona ba kontrollu regular sira iha fatin sira ne’ebe konsidera risku. Tenke funsiona CCTV sira, no lampu sira ne’ebe ita iha tenke monta iha estrada para funsiona ho diak, para bele fo esperansa no fo seguransa atu nune’e ema hotu halo movimentu iha kalan la bele sente ameasadu. Husu parte seguransa ativu liu tan, sira nia sistema kontrolla ba fatin-fatin sira hotu, liu-liu iha kapital Dili no mos ba iha kapital munisipiu sira hotu,”haktuir nia.
Tanba aktu sira ne’ebe akontese daudauk ne’e, sosiedade sivil konsidera grave, tanba ne’e, fo sentimentu tauk ema halo movimentu iha kalan. Tanba ne’e, seguransa tenke halo nafatin sira nia knaar no tenke fo esperansa katak ambiente seguru no bele halo movimentu iha kalan.
603 total views, 3 views today
Bele hare Video Seluk :
Subscribe to Timorpost
