Maluk sira:
Kampanha ba El Par tama ona ba iha faze kulminasaun, iha Sidade Nasaun nian, Dili.
Konsiente no konsente ka lae kona-bá konsekuénsia housi liafuan retórika hirak, nebé sai hosi ibun tutun no hatudu iha lalaok na’i-ulun polítiku sira? Saida mak Ita-Boot sira kuda hela daudaun, ida ne’e mak povu sei kuu nuudar lukru, produtu proveitozu hosi sasohik (panen) isin El Par 2023 nian.
Tuir observasaun sira pesoal durante ne’e :
- Mosu liafuan retórika hirak nebé ladun konvense no atrai povu nia konsiénsia-moos hodi saran nia votus barak ba partidu. Polítiku na’in sira kaan- tén ko’alia liu ba an rasik. Ezemplu: liafuan hirak: “Ha’u” …, “ami mak … “: Ha’u mak fundador partidu, fundador Falintil, kerek-na’in Carta Magna”; “ami mak partidu históriku, natureza, uma-lisan”, etc. Rona de’it uzu termu hirak ne’e ho lian karaterístiku fó ona ba tilun sira tonalidade egoísta, ezkluzivista no kontraditóriu ho espresaun hirak nebé nakloke, inkluzividade. Katak ida ne’e xoke no la atrai ema fuan basá la ko’alia kona-ba buat nebé destinu Nasaun no fó laran ksolok hodi atrai fuan sira.
Atu ba konvida ema ruma, tenki look mak buat-di’ak ba atu tama mai uma-lisan laran ho laran-kman, senti konfortável. Maibé, realidade, la hatudu-an nune’e, mak uma-na’in taka uluk tiha ona oda-matan baredok ba bainakar ka konvidadu sira.
- Hatudu lalaok no hahalok hirak nebé partidariza tiha meiu no ambiente sira. Ezemplu:
— Taka-dalan, tuda ema. Katak la respeita liberdade espresaun ba partidu-seluk. Bainhira ema investiga loloos kazu hirak ne’e, sei fó impatu pontu negativu ba autor no pozitivu ba ida sai vitimadu.
— Tau bandeira partidu nian hakat liu área preservadu no hikar bandera iha resintu eskola, fatin públiku nian.
— Hahisi lalais kargu públiku sira ho ema hosi partidu sira ukun;
— Deklara- an muda partidu hodi hetan kadeira no pozisaun.
— Akuza no ameasa uluk tiha ema ka grupu-seluk nebé uluk adere ba partidu sira pro- integrasaun; kee molik hotu ema-nia privasidade sira …
Ne’e hotu, klaru, la favorese atu manan ema nia simpatia no sei halo sira buka fatin-helik seguru iha partidu-seluk hodi hamonu.
Kasian, haree ba hanesan atu lakon tiha konsiénsia no konsentimentu matenek hodi la hanoin ona kona-bá interese Nasaun nian nebé, tuir loloos, tenke hatuur iha orden prioridade ida ulun.
Ne’e hotu, tuir matenek-na’in psikolojia, hatudu de’it atitude tauk, inkimoete, la fiar an metin katak soi duni kbiit autoridade atu ukun Nasaun RDTL.
Ezemplu sira observadu mak:
— Buka hadau fatin lalais, karik biban ikus ona, “mumpun masih ada waktu?!” Ho atitude ánsia, preokupadu fó hatene-an sé ba ema-seluk.
— Seu hatudu lalaok sira nebé manipulativu hnsn: “SB ami nian”, “USD $ 200,00, ami nian”, “manorin kontratadu, ami nian”, “subsídiu idozu no méritu nsst ami nian”. Pergunta: Be hasai osan hosi bolsu rasik kah? Maibé ida loos nak polítika jere OGE ba nesesidade konkretu povu tomak nian.
Maluk sira: Atu luta ba ukun- di’ak Estado no Nasaun RDTL, presiza ho onestidade, hatudu uluk ona kbiit autoridade hosi ukun ne’e atu fó konfiansa ba povu Timorense tomak hodi hili ukun-na’in sira nebé kualifikadu.
Tambasá mak ita rona lian sira hosi kampana sira : “Ha’u ema Fretilin maibé hili CNRT” ou kontráriu. Tanba la konfia ba kbiit autoridade ukun no lakon hela fiar ba sensibilidade pesoal Lideransa Nasional ida nian.
Tanba sidadaun partidarista sira, barak haree no kous metin hela saida mak ninian de’it; “moris ka mate ha’u nian”. Bele ba grupu! Maibé ne’e la’ós fó ba destinu Nasaun RDTL nian!
Tanba ne’e, deklarasaun retórika, hatudu oho-an. Polítiku na’in sira, balun kakutak-foun ka líriu los hodi espresa fali hanoin hirak nebé tesu-kakorok no koa ain-klór. Ezemplu:
— Abó Xabi traidor! Se nune’e, Estado RDTL nia ulun tesi-kotu (decapitado) tiha ona.
— “Figura Nasionsl sira, nebé mate mate lakon ona. Partidu mak importante tanba sei existe ba nafatin!” Aduh, se nune’e:
— Hela mak figura nasional ida nebé
1,305 total views, 6 views today
Bele hare Video Seluk :
Subscribe to Timorpost
