Timorpost.Com | NASIONAL – Komisaun nasionál ba Eleisaun (CNE) Tama ba loron rua apuramentu nasionál pronunsia rezultadu keixa no reklamasaun sira. Mosu mos irregularidade balun ne’ebé polisia prosesa no lori ba Ministériu Públiku.
Tuir mai deklarasaun ofisial hosi Domingos Barreto, Vise Prezidente CNE iha konferénsia imprensa, Kinta 25/05/2023 iha sede CNE nasionál kolmera Dili.
Hosi Aileu iha votu reklamasaun 8, 4 nulu no 4 válidu atribui ba CNRT. Iha Aileu mós iha mosu Diskrepánsia Numérika,(númeru la hanesan)
Hosi Ainaru, Votu reklamadu 5 sai válidu no atribui ba CNRT.
Hosi Ataúru iha votu reklamadu ida sai válidu atribui ba CNRT.
Hosi Bobonaru iha votu reklamadu 43, sai nulu 6 sai branku no válidu 34, atribui ba PD 3, KHUNTO 2, Fretilín 5, CNRT 24.
Hosi Covalima votu reklamadu 9 sai nulu 2 válidu 7 atribui ba PD 1, Fretilín 2 no CNRT 4.
Iha Baukau iha diskrepánsia numérika tanba eleitór ne’ebé vota la too boletín iha urna laran.
Durante apuramentu nasionál iha CNE simu keixa no reklamasaun rua ne’ebé iha indísiu ba ilísitiu eleitorál nian, akontese miniroidade ne’ebé ladauk atinji 17 anos atu vota. Eletor minoridade refere moris iha fulan Agostu 2006. Prossu ne’e lori ba Ministériu Públiku.
CNE simu mos keixa, hosi Partidu CNRT ho Os Verdes katak iha fiskis nain rua uza kartaun kredensial ida uza kartau hodi ba vota.
Iha kazu eleitór ida vota dala rua fiskais hosi partidu KHUNTO nian, sai tiha hosi sentru ida ba vota tan iha sentru seluk.
1,304 total views, 3 views today
