Dili (timorpost.com) – Governu liuhusi Ministériu Agrikultura no Peskas (MAP), Pedro dos Reis, hatete durante pandemia kovid-19 nia laran importasaun ai-han menus, no Agrikultór sira fila fali ba to’os no natar.
“Iha pandemia kovid-19 nia laran ita book an ladi’ak, maibé iha ita-nia agrikultór sira fila fali ba to’os ho natar no rezultadu ita sente, tanba iha situasaun pandemia kovid-19 ita-nia produsaun foos sa’e de’it 72.000 ton, iha tinan 2022 ita kolleita agora sa’e ona ba 86.000 ton”, nia hateten iha Parlamentu Nasionál, Tersa (08/11).
Nia dehan, se 86.000 ton, ida ne’e mak orsamentu aprova la’ós halai ona ba irrigasaun, maibé sira iha mehi ona ba barrajen tuir area kultivu hodi bele kultiva dala rua, tinan ida ne’e iha rai ki’ik-oan ida ne’e nia fiar katak sira bele sai husi demanda nasionál ida ne’ebé rihun tonelada 100.31.
“Ita opta merkadu livre ita labele taka sasán, maibé ita labele haluhan ita mós prepara an kuda saida mak produtu iha ita-nia rai laran halo diversifikasaun atu nune’e karik situasaun sira mosu hanesan ha’u temi pandemia ita book an ladi’ak maibé ita garantia ai-han iha ita-nia rai laran bele sufisiente”, nia tenik.
Nia afirma, Deputadu sira mós tau interese ass tebes ba iha Ministériu Agrikultura, oinsá atu hadi’a sira-nia irrigasaun, no la’ós ida ne’e de’it se sira mehi atu halo barrajen mais di’ak liu tan, atu nune’e bele halo kultivasaun bee, tanba udan mai fulan rua tolu de’it esquema irrigasaun ne’ebé sira utiliza so aproveita udan de’it, bainhira udan ne’e laiha bee laiha ona, entaun kultivasaun bee atu nune’e sira bele halai natar dala rua, tinan ida ne’e iha rai ki’i-koan ho populasaun 1.3 sira bele resolve problema.
“Nune’e Peskas la’ós Ministériu mesak ne’e liña ministerial tomak, ami propoin hela ró komersiál rua, atu hola hodi hala’o sirkulasaun, dezeñu avansa remata ona agora atu tama ona ba tender, maibé atu prevee ne’e liña ministeriál sira propoin 7.000 USD, maibé sira halo faze ba faze iha primeiru 3.5, depois ida ne’e rezultadu di’ak, mai oin sira sei haree”, Pedro salienta.
Orsamentu ne’e mai kedas husi tinan 2021, maibé dezeñu estudu tenke haree didi’ak para sasán sira produs ho kualidade, maibé dezeñu remata ona agora sira submete ba iha CNA tempu badak bele tender ba iha konkursu.
2,573 total views, 3 views today
Bele hare Video Seluk :
Subscribe to Timorpost
