DILI-Populasaun sira iha Dili sente kontente ho tulun hosi Eletrisidade de Timor-Leste empreza publika (EDTL.EP) tanba bele hakma’an ona sira iha situasaun susar.
Anas Menezes espresa kontente ba timorpost.com iha Kinta 4/05/2023, tanba bele asesu ba pulsa EDTL ho montante 5.00 dolar, hodi bele uza ba loron hat ka lima nia nia laran.
Nia haktuir, tuir loloos situasuan lasai hanesan ne’e, maibe kauza ida mai hosi senti normal hela durante ne, tanba durante ne nia la senti failla hosi EDTL rasik,.
“Ema hotu senti la dun satisfas ho EDTL nia atendimentu, maibe ema-hotu nia rasik hakarak ba forma iha loron Primeiru no segundu Fulan nian tanba atu hetan gratis” haktuir Anas.
Nia dehan tan, ema hotu la presija tenki sosa iha loron Primeiru no segundu Fulan nian tanba maski Sosa iha dia 20 ba leten mos sei nafatin gratis.
Sikun seluk, Ervira Santana, rezidente iha aldeia Moris Foun, suku Komoro,postu administrativu Don Aleixo senti kontenti no agradese tanba bele asesu ona subsidiu pulsa eletrisidade 5 dolar ne’ebé governu fornese masje iha loron hirak nia laran preokupadu ba sistema EDTl, EP nian.
“Ha’u agradese tamba bele asesu ona subsidiu kona-ba pulsa eletrisidade ho kustu $ 5.00 ne’ebé husi guvernu fornese ba sidadaun hotu-hotu iha teritóriu laran maske loron hirak liu ba ami sente preokupadu tebes ho sistema EDTL nian,” Afirma Ervira.
Maibe kliente EDTL ne’e nafatin hatoo lamentasaun “kustu ida ne’e la sufisiente ba ha’u atu utiliza ba loron naruk tamba ami utiliza enerjia elétrika refere ba buat barak hanesan Jeleira, AC, Lampu, mesin cuci, no uza hodi tein, nono bee manas no seluk tan”.
“Ha’u hakarak sujere ba EDTL katak karik hakarak fo subsidiu ba klientes fo netik kustu bo’ot atu ami bele uza ba semana ida ou liu”, nia rekomenda.
“relasiona ho problemas ne’ebé daudaun ne’e ita hotu hasoru bele karik labele dada tan ba tempu naruk, maibe hadiak sistema ne’e agora ona atu iha future ami labele ba forma fali hanesan agora dadauk ne’e akontese,” tenik kliente ne’e.
2,046 total views, 3 views today
Bele hare Video Seluk :