Manatuto (timorpost.com) – Komunidade Tomas Soares, hatete kudi ai-oan durante ne’e fan hodi selu oan sira-nia eskola.
Nia hatete, kuda ai-oan sira hanesan ai-Mahoni no ai-kakeu hanesan riku soin ba oan sira-nia moris.
“Ai-sira ne’e mak ha’u tesi lori ba fa’an hodi hetan osan atu mai sustenta ba oan sira-nia eskola”, Agrikultór ne’e hateten ba Timor Post Online, iha nia tos área Wani-ai, Suku Batara, Postu Administrativu Laklubar, Tersa (08/11).
Nia dehan, fan Ai-mahoni no ai-kakeu la’os atu lori riku, maibé fó rikusoin ba oan sira aban bain-rua nian.
Ai-mahoni ho ai-kakeu, kuda iha tinan 10, maibé bele fa’an ona ba ema ne’ebé presiza nia hu’un ida dólar atus-ida (100 USD).
“Durante ha’u halo tos hanesan kuda Batar, fehuk, ai-farina sira, maibé nunka atu hanoin hodi lori ba eskola, maibé hosi ai-horis sira ne’e ha’u bele garante ba sira-nia eskola”, nia subliña.
Nia dehan, ai-horis sira hanesan ai-mahoni ho ai-kakeu la’os fó benefisu ba nia de’it, maibé mós fó benefisiu ba rai estadu no nasaun nian, tanba bele ka’er metin hodi hamahon diosidu karbonu hodi hametin nafatin rai buras ba bei-beik,
“Realidade moris ne’ebé ha’u enfreta todan teb-tebes, susar ba ha’u, maibé hosi oan sira nia futuru ha’u lori hanoin obrigasaun atu servi nafatin ba sira-nia moris aban bain-rua nian,” nia afirma.
Dala-ruma matan-be’en monu bainhira moris hanesan ema fo’er, maibé nafatin forsa tanba oan sira nia futuru, tenke esforsu nune’e sira labele fo’er tan iha futuru.
Loron to’o kalan, liman fuan sanulu sempre ke’e ba ke’e hodi kuda ai-horis ruma, hanesan ai-mahoni no ai-kakeu, ne’ebé oferese hosi malae Australianu sira iha tinan sanulu liu ba, tan ohin bele uza ida ne’e sai hanesan kofre família nian, no rai ba oan sira iha tinan ba tinan.
“Ha’u sente oan sira hatene saida mak ami inan no aman sente, katak husi Han ho hemu, eskola, hosi ita-nia kosar be’en rasik, tanba ne’e labele halimar ho ami-nia kosar be’en, eskola didi’ak hodi sai matenek”, nia hakotu.
2,899 total views, 3 views today
Bele hare Video Seluk :
Subscribe to Timorpost
