Pe, Wendly J, Marot, SVD
Kalan Páscoa, kalan diak!
Kalan Páscoa, kalan ksolok
Kalan Páscoa kalan naroman!
Kalan Páscoa, kalan esperansa
Kalan Páscoa, kalan moris foun!
Kalan ida ne’e hanesan tempo ultimo, “waktu puncak” husi ita Nia Queresma durante loron hat nulu nia laran; kalan ultimo ba ita Nia esperansa mos, esperansa ba moris ida ne’ebe diak liu. Kalan Páscoa, kalan kmanek tanba Maromak hatudu Ninia Power/Poder, katak “Mate sei la manan, mate sei la ukun” ba mundo. Ne’e realiza duni Jesus Nia liafuan rasik ne’ebe hateten: “Hau mak Moris no Moris hias. No se deit la fiar no la lao tuir ha’u nia sei la hetan moris”?
Historia Jesus Nia moris hias, iha kalan Páscoa Anno B, sei inspira husi Evangelho Marco. Hahu husi inisiativa feto nain tolu: Maria Madalena, Maria Tiago nia Inan no Salome ne’ebe hadomi Jesus ho laran loos, ne’ebe hakarak ba hare Jesus iha rate, ho plano atu kose Jesus Nia isin mate ho mina tuir custome Judeu sira nian. Antes sira to’o, tuir dalan sira sei preokupa ho fatuk boot no todan ne’ebe taka rate nia odamatan. Se loos mak atu duir fatuk ne’e (pre factum) atu sira bele tama. Maibe, sira nia preokupasaun sei hetan nia resolve wainhira to’o iha ne’eba sira hare fatuk duir ona husi nia fatin. Maibe preukapasaun seluk mosu no sai duvidas “se loos duir fatuk ne’e (post factum). Perubahan pertanyaan: “siapa yang akan mendorong batu untuk membuka pintu menjadi siapakah yang telah menggeser batu dari pintu”. Perguntas hanesan maibe ho sentido ne’ebe diferente.
Loos duni katak, la iha ema ida ne’ebe sai sasin oinsa Jesus moris husi mate. Ema la hare duni, oinsa Jesus hader no sai husi rate laran no ba Galilea. Evangelho konta deit faktos sira ne’ebe sai evidencia hanesan: faktus fatuk duir ona husi rate nia odamatan, faktus rate ne’ebe mamuk, faktus hena ne’ebe hafalun Jesus hikas ho rapido, faktus Jesus Nia mate isin la iha no liu-liu faktus hare “Mane ida hatais mutin ne’ebe sira rekonhese nu’udar anjo. Sira mos rona liafuan husi Anjo ne’ebe hein fatin ne’e; ne’ebe haklaken ba Feto sira ohin: “Imi buka Jesus husi Nazare, Nia la iha ne’e; Imi ba lalais hodi haklaken ba Nia Escolante no mos ba Pedro katak, Jesu moris hias husi mate no Nia sei ba uluk imi iha Galilea.” Faktus sira no liafuan husi Anjo halo feto sira tauk maibe mos ksolok, sira la persija duvidas tan kona ba fatuk no hena sira; sira fiar ona katak Jesus moris hias ona.
Husi evidencia sira ne’e, kompara ho Jesus nia liafuan wainhira Nia sei moris ou antes Nia mate, ita mos to’o iha fiar katak Jesus moris hias husi mate. Ita bele dehan ho ksolok:
Tanba Jesus moris mak, fatuk bele duir husi odamatan
Tanba Jesus moris mak, rate sai mamuk
Tanba Jesus moris mak, rate sei naroman
Tanba Jesus moris mak, hena sira falun ho rapido
Tanba Jesus moris mak, Anjo bele hein netik fatin ida ne’e atu evita “ema bosokten sira, evita ema matenek bosok sira ne’ebe aproveita faktus rate mamuk hodi haklaken lia bosok, lia falsu, lia hoak katak: “Jesus nia mate isin ema naok” (Too agora ema balun mos sei fiar ida ne’e).
Kalan Páscoa, kalan naroman no kalan ksolok!
Ita hahu kalan Páscoa ho liturgia naroman, liu husi naroman lilin Páscoa nian, naroman ne’ebe duni sai kalan nakukun ne’ebe hafalun ita. Naroman ida ne’e fo esperansa no “kepastian” katak ita nia salvasaun to’o dadaun ona, sala no mate nia ukun la permanente. Ita simu lilin pascoa ho lilin-lilin privado sira ne’ebe ita sunu. Ida ne’e hatudu katak ita simu Jesus Nia moris hias ne’e ho ksolok, senyum kepuasan dan kegembiraan, no pronto atu sai “naroman ba malu”. Ita sei valorize Páscoa ida ne’e ho sasin katak ita pronto atu sai “secercah terang yang menerangi jalan bagi sesama bahwa kita adalah paskah”.
Ita mak Páscoa! Ita mak Naroman, ne’ebe simu roman husi Naroman Kristo ne’ebe moris hias husi mate. Wainhira lilin Pascoa ita sunu, Jesus hatudu Nia-an nu’udar Naroman loos; Nia mak “Loron matan loos nian hun ba roman iha mundo; ou Matahari sejati” sumber cahaya bagi cahaya-cahaya lain di bumi. Husi Lilin Paskoa ita sunu lilin privado, atu hatudu katak, Nia mak hun ba ita nia roman. Ita sai Naroman, tanba Nia roman. Tanba Ne’e, wainhira ita sai nabilan karik, labele haluha ita simu Naroman husi se? Labele sai nabilan to’o haluha-an hanesan lilin ne’ebe haluha katak nia sei naben to’o hotu. “Jesus sai fitun lorosae, ita sai fitun balun ne’ebe halo lalehan sai furak iha kalan nakukun”. Yesus tunjuk pesona, supaya kita pun tunjuk pesona. Jesus hatudu Nia furak Nabilan, atu ita mos banati tuir hatudu furak. Jesus hatudu Nia furak liu husi lilin pascoa atu ita mos sei hatudu ita nia furak liu husi ita nia moris no atitude.
Kalan Páscoa labele to’o iha seremonia ou liturgia ka misa laran deit. Páscoa tengke iha fuan iha moris loron-loron. Páscoa tenke muda, mai husi seremonia iha altar ba praktika iha moris loron-loron nian, hanesan iha familia kai ha sociedade. Ita mos tengke sai Páscoa iha ita nia familia wainhira ita komesa moris iha familia ne’ebe nakonu ho ksolok no esperansa. Páscoa ne’e loron Vitoria; vitoria husi lamentasaun sira ne’ebe oi-oin, hanesan:
Husik lamentasaun tanba katuas oan ne’ebe lanu bebeik, fila ba laran kontente tanba katuas oan sai ema ne’ebe kalma;
Husik ona lamentasaun tanba ferikoan ibun foer, fila ba lia ksolok tanba ferik-oan komesa ibun midar;
Husik lamentasaun tanba oan barukten, fila ba inan aman sira ne’ebe haksolok tanba oan sira komesa rona sira;
Husik ona lamentasaun tanba joven sira nakarten, fila ba inan aman sira gaba tanba oan joven sira komensa disiplina;
Husik lamentasaun tanba moris iha bairo laran la hakmatek tanba barulho no runggu-rangga ou tuda malu, baku malu hela deit, fila ba moris iha dame no pas nia laran;
Husik ona lamentasaun tanba lider sira matan delek ba povo nia necesidade, fila ba povo sira ne’ebe gaba wainhira temi nia Nai-ulun;
Husik ona lamentasaun tanba amo nia homilia naruk no halo matan dukur, fila ba laran kontente tuir misa atu hetan graza husi Eucaristia.
Ne’e Páscoa ita nian. Páscoa katak moris foun, ita muda husi moris tuan ne’ebe nakukun tanba hafalun ho hahalok, ka hanoin aat sira. Ita hahu moris foun ho spirit Jesus Moris hias ne’ebe fo beneficio ba ita atu moris ho ksolok no nakonu esperansa. Labele halo, Jesus nia terus no mate iha cruz sai saugati deit. Ita tengke simu grasa Páscoa ne’e no pronto atu hatudu moris foun ne’ebe nabilan bam undo, ba sociedade no ba familia. Ne’e foin ema dehan katak, Páscoa nia sentido mak Hatudu o furak ba, tanba Jesus hahu uluk hatudu Nia furak.
3,459 total views, 27 views today
Bele hare Video Seluk :
Subscribe to Timorpost
