DILI, timorpost.com)— Kultu Sesta-feira Santa, Pregadór Pastór, Moisés Gomes, hatete, tema ba loron ohin ne’e mak ‘Jesus Nia Mate no Moris Hias, Lori Vitória ba Mundu Tomak‘, no lori vitória ba dame.
“Loron ohin ne’e, atu fó lembra mai ita ida-idak atu hanoin Jesus nia terus no mate iha krus, tanba ha’u-nia hahalok sira hotu mak Jesus terus no mate, tanba ida-idak ba lembra fali loron importante ida ohin, ha’u iha tanba Jesus, ha’u moris tanba Jesus, tanba ne’e ha’u hananu no ha’u fó nia esperasa ba Jesus”, Pastór Moisés Gomes, hatete liuhosi homília selebrasaun Sesta-feira Santa iha Igreja Evangélica Assembleia de Deus (IEAD), Vila-Verde, Sesta, (29/03/2023).
Nia dehan, hatudu ba kristaun sira atu uza didi’ak oportunidade ohin loron ne’e, tanba vitória ne’e sai xave importante ka oportunidade ida ba imi moris, tanba loron ida sei sente Maromak nia prezensa.
“Ita sei selebra Páskua Na’i Jesus nia terus to’o mate ne’e, maibé imi hotu prontu atu hakat liu situasaun ida-ne’e ka lae, atu bele lori vitória ba nia-an rasik, tanba Jesus nia terus no mate, tanba ita ema salan sira”, dehan nia.
Pastór ne’e husu ba kristaun ida-idak atu husu perdaun ba ida-idak nia sala ne’ebé durante halo ona, atu nune’e buka moris foun iha ida-idak nia-an.
Enkuatu tuir obseravsaun Timor post iha treinu, bainhira Pastór Moisés Gomes, remata omília no husu ida-idak atu hasa’e orasaun ba Jesus Kristu hodi hanoin Nia terus no mate iha krus.
Banhira kristaun ida-idak hasa’e sira-nia orasaun, balun tanis no triste ba loron importante ida ohin hodi hanoin Jesus nia terus no mate iha krus, sira tanis tanba sira hanoin katak Jesus nia terus no mate tanba ita ema nia sala.
Iha selebrasaun Páskua ne’e, Igreja Evangélica Assembleia de Deus, tuir kultura iha de’it misa dala-2, misa Sesta-feira ho Domingu hodi selebra festa Páskua.(*)
777 total views, 6 views today
Bele hare Video Seluk :
Subscribe to Timorpost
