Pecados E Valores Cristãos Em Relação Ho Deus-Mundo-Homem

Mario da Costa - Opiniaun
  • Share

HANOIN HAMUTUK HO PAPA FRANCISCO

INTRODUÇÃO

ADVERTISEMENT
SCROLL FILA BA NOTISIA

Pecados e valores cristãos ne’e buat rua nebé interessante liu atu ita hatene iha ita ema nia moris, liu-liu iha vida religiosa ida ka vida cristã católica ida. Tamba buat rua ne’e iha consequência nebé la hanesan, ida lori ita ba cria relação di’ak entre ita ho Maromak no ho criatura sira seluk no ida fali la’e. Nune’e, hanesan iha filosofia trata konaba parte tolu: Deus, Mundo no Homem. Iha artigo ne’e mos reflete konaba saida mak parte tolu ne’e, hatuur iha Papa Francisco ninia Encíclica tolu: Lumen Fidei/LF (2013), nebé trata konaba fé em (Deus); Laudato Si/LS (2015), nebé trata konaba cuidado a nossa casa comum (Mundo); Fratelli Tutti/FT (2020), nebé trata konaba fraternidade e amizade social (Homem). Além de Encíclica tolu ne’e, iha mos fontes seluk nebé iha relação ho assunto refere, hanesan Bíblia Sagrada/BS, Catecismo da Igreja Católica/CIC, no livros. Ba ha’u Encíclica tolu ne’e riku teb-tebes ho reflexões, críticas, argumentações filosóficas, teológicas, nebé halo ita hatene an hanesan ser ida nebé coloca vida hanesan ser autêntico ida, be expressa iha ser-com-Deus, ser-no-mundo e ser-com-os-outros.

Tan ne’e, objetivo husi artigo ne’e maka atu lori ema ba hatene saida mak pecados no valores cristãos em relação ho Deus-Mundo-Homem, iha nebé halo ema distingue entre buat aat no di’ak hodi hala’o ho lolós iha ita ema nia moris. Hakerek ho método da pesquiza bibliográfica be explora fontes sira husi livros, liu-liu husi amo Papa Francisco ninia Encíclica tolu nebé cita ona. Estruturação husi texto ne’e sei fahe ba parte rua: 1ª. Pecados Cristãos, hanesan: Fiar iha maromak falso sira, Uso irresponsável e descontrolo, Mundo fechado e cultura de muro; 2ª. Valores Cristãos, hanesan: Fiar ba Maromak Mesak Ida de’it Jesus Cristo, Cuidado a nossa casa comum, Fraternidade e amizade social. Tan ne’e, ita ba hare hamutuk.

1. PECADOS CRISTÃOS

Wainhira ita lê didi’ak amo Papa ninia Encíclica tolu ne’e ita hatene katak ita hotu nia sala ka pecado boot liu, hahu husi líder sira hotu, tanto nacional ou local, políticos e civis, matenek ka beik, kiik ou boot, ita hotu nia sala hatuur iha parte tolu:

a. Fiar iha maromak falso sira (ídolatria e politeismo)

Iha pecado ida ne’e, amo Papa dehan ita ema ohin loron nian “Em vez da fé em Deus, prefere-se adorar o ídolo” (LF, p. 16). Katak, tempo agora ita la tau confiança ka la fiar metin ona iha Jesus Cristo Maromak oan mane mesak, maibé ita prefere atu troca tiha Maromak nia fatin ho ídolo sira, hodi hamosu idolatria nebé lori ita ba mout iha politéismo (Cfr. LF, Loc. Cit.). Aliás, ita la fiar ona iha Maromak mesak ida de’it, maibé ita fiar iha maromak oioin nebé ita mak cria, hanesan fiar ai-lulik, fatuk-lulik, be lulik, hemu ran, etc. Ho sira ne’e hotu halo ita tama iha vício secularismo ida nebé halo ita iha tendência atu halakon tiha hahalok fiar nian iha espaço público, hanesan: la reza molok halo serviço, debate, encontro, escola, etc. Lori mos ita ba tama iha corrente vicioso sira nebé tende liu ba ideologia, hanesan: Positivismo, Comunismo, Consumismo, Ateismo, Antropocentrismo ho corrente seluk tan nebé iha tendência forte atu halakon tiha moral, ética, espiritual no fé cristã iha ita ema nia moris iha sociedade. Nune’e, amo Papa dehan “quando se pretende, em nome duma ideologia, expulsar Deus da sociedade, acaba-se adorando ídolos, e bem depressa o próprio homem se sente perdido, a sua dignidade é espezinhada, os seus direitos violados” (FT, p. 72), ou seja “Se tiramos a fé em Deus das nossas cidades, enfraquecer-se-á a confiança entre nós, apenas o medo nos manterá unidos, e a estabilidade ficará ameaçada” (LF, p. 73). Nune’e, ita ema moris la ho Maromak ne’e perigoso. Tuir amo Papa sira ne’e hotu mak pecado hasoru Maromak.

b. Uso irresponsável e descontrolo (perda da consciência e cuidado)

Pecado ida ne’e hatudu iha ita ema nia “uso irresponsável e do abuso dos bens que Deus nela colocou” (LS, p. 3), iha nebé halo ita la cuidado ou halo ita la iha ona responsabilidade ba criatura sira be Maromak tau ona iha mundo. Tuir amo Papa, pecado ida ne’e grave, basá halo ita la considera ona natureza ho mundo ka ambiente hanesan ita nia irmã ka inan nebé partilha ksolok, susar ho ita, ka acolhe ita, maibé ita destrui, estraga no halo aat hotu tiha. Nune’e, Papa afirma “A destruição do ambiente humano é um facto muito grave” (Idem, p. 5). Ho pecado hirak ne’e halo natureza reage hasoru ita, hanesan: inundação, terramoto, desastre natural, mudança climática, etc. (Cfr. LS, Loc. Cit.). Desastre sira ne’e hotu acontece tamba ita hakanek natureza, ita destrui ambiente, ita sunu rai arbiru, ita hamate animal sira arbiru, etc. Nune’e, Papa dehan, ita halo “o ambiente natural está cheio de chagas causadas pelo nosso comportamento irresponsável; o próprio ambiente social tem as suas chagas” (Idem, p. 7). Pecado ida ne’e halo ita nia consciência mate no halo ita nia sentimento la funciona hodi lori ita ba moris iha “um mundo surdo” (FT, p. 13), iha nebé halo ita diuk no delek atu rona no hare “tanto o clamor da terra como o clamor dos pobres” (LS, p. 39).

c. Mundo fechado e cultura de muro (perda de fraternidade e amizade social)

Iha pecado ida ne’e amo Papa dehan, ohin loron ita moris hela iha “as sombras dum mundo fechado” (FT, p. 3), be halo ita la iha ona fraternidade no amizade social. Katak ita tama hela iha pecado sira hanesan: individualismo, egoismo, ignorância, arrogância, indiferênça, racismo, etc. nebé halo ita hanoin ba ita nia an de’it hodi la hanoin no hadomi ema seluk hanesan ita nia an rasik, i ikus mai halo ita sai tiha atan ba buat hirak ne’e. Tan ne’e, Papa dehan “Reaparece a tentação de fazer uma cultura dos muros, de erguer os muros, muros no coração, muros na terra, para impedir este encontro com outras culturas, com outras pessoas. E quem levanta um muro, quem constrói um muro, acabará escravo dentro dos muros que construiu, sem horizontes. Porque lhe falta esta alteridade” (Idem, p. 8). Husi ne’e mak Papa dehan tan “uma é ensimesmar-se, desinteressar-se dos outros, ficar indiferente; outra seria olhar só para fora” (Idem, p. 20). Los duni, ohin loron ita maioria quase iha tendência atu halo muro, tanto muro visível e invisível, hanesan: cria muro haleu uma hodi satan netik vizinho sira, cria muro iha bairo, cria muro iha fuan atu labele acolhe no tau matan ba ema seluk, mes-mesak ho telefone, etc. Tuir amo Papa, sira ne’e hotu pecado nebé ita halo contra Maromak no contra ita nia maluk sira seluk, basá Papa dehan “o pecado manifesta-se hoje, com toda a sua força de destruição, nas guerras, nas várias formas de violência e abuso, no abandono dos mais frágeis, nos ataques contra a natureza” (LS, p. 53).

Lee Mós:
Poezia husi Dionisio de Jesus Lopes Kona-ba Nino Konis Santana

Husi ne’e ita hatene katak pecado ne’e laos ita halo contra de’it Maromak no ema, maibé pecado mos wainhira ita estraga no destrui, ambiente, natureza, sunu rai, soe foer arbiru, oho animal, ai-horis no criatura seluk. Nune’e, amo Papa dehan ita hotu iha vocação especial atu responsabiliza ba acto hirak ne’e, liu-liu ba cristão sira atu iha consciência no sentimento ba bem-comum ka bem-estar nebé amo Papa hanaran Fraternidade Universal. Fraternidade universal ida ne’e exige ita nia boa relação entre Deus-Homem-Mundo. No ida ne’e ita sei hatudu iha valores cristãos hanesan tuir mai ne’e.

2. VALORES CRISTÃOS

Valores cristãos ne’e contrário ho pecados cristãos. Valores cristãos hatuur ema iha horizonte ba vida santidade nian, iha nebé ema ida sei cria nia boa relação ho Maromak, ho Mundo no ho ema seluk, porém pecados cristãos la’e. Hare ba pecado sira leten ne’e, amo Papa Francisco trata konaba valores cristãos nebé hetan inpsiração husi o Santo do amor fraterno, Francisco de Assis nebé iha um coração sem fronteiras (Cfr. FT, p. 1). Iha um coração sem fronteiras ida ne’e halo com que S. Francisco de Assis cria relação ida nebé furak liu entre nia ho Maromak, ho Mundo no ho ema seluk. Amo Papa dehan, husi pecado original, ita ema hakotu ona ita nia relação ho parte tolu ne’e, maibé Maromak uza S. Francisco de Assis hodi hadia fali relação ida ne’e hodi hamosu fali valores cristãos nebé furak no kmanek liu. Tuir amo Papa, valores cristãos sira ne’e, ita manifesta ka expressa iha parte tolu:

a. Fiar ba Maromak Mesak Ida de’it Jesus Cristo (Lumen Fidei/ Sobre a Fé)

Valores cristãos ida ne’e uluk nanain hatudu iha ita ema nia fiar ba Maromak mesak ida de’it, nebé sai roman ba mundo tomak. Nune’e, amo Papa dehan, cristão sira tenke “confiar apenas na verdadeira rocha que não vacila: o Deus de Israel” (LF, p. 29). Deus de Israel ida ne’e maka Jesus Cristo nebé encarna-An iha Maria hodi lori salvação ba mundo tomak, basá Papa afirma “A fé cristã é fé na encarnação do Verbo e na sua ressurreição na carne” (Idem, p. 22). Tamba ne’e, fiar, katak foti Jesus sai centro ba conhecimento tomak ou sai centro ba buat hotu-hotu, iha nebé ita atu halo naran qualquer atividade ida ita tenke reza uluk. Ho ida ne’e mak amo Papa dehan “a verdade que a fé nos descerra é uma verdade centrada no encontro com Cristo, na contemplação da sua vida, na percepção da sua presença” (Idem, p. 39). Tuir amo Papa fiar ida ne’e maka verdade ida nebé ita nia razão ajuda ita atu fiar ho fuan tomak, basá “o espaço para a fé abria-se onde a razão não podia iluminar” (Idem, p. 5). Ida ne’e, katak ho razão de’it ita labele compreende fiar ida ne’e, basá fiar ida ne’e precisa expressa ho fuan hodi professa ho ibun. Ho ida ne’e mak Papa dehan “Realmente com o coração se crê (…) e com a boca se faz a profissão de fé” (Idem, p. 27). Tan ne’e, base ba fiar maka “Acredita-se com o coração” (Idem, p. 32). No fiar ida ne’e, necessita ita nia obediência, ita nia humildade, ita nia escuta da palavra de Deus, no precisa ita nia visão atu ita bele contempla Maromak nia presença iha mundo ne’e, iha criatura sira no iha ema kiik no ki’ak sira, etc. hodi bali sira ho domin, ho ternura no ho fuan tomak be hatudu ita nia comunhão ho Igreja iha Eucaristia.

Tuir amo Papa, fiar ne’e dom gratuito ida nebé Maromak mak fo atu ita ema ba hasoru malu bebeik ho Nia. Maibé, dom ida ne’e halo com que ema cristão sira entrega nia an ba iha Cristo Jesus. Nune’e, Papa kaer ba passagem Sagrada Escritura nian NT, Rom. 10:9, hodi dehan “A fé cristã está centrada em Cristo; é confissão de que Jesus é o Senhor e que Deus O ressuscitou de entre os mortos” (LF, p. 18). Ho liafuan badak valor cristão nian ne’e hatudu iha fiar total ba Maromak Oan Mane Mesak Jesus Cristo. No fiar ida ne’e, laos teoria ka ideal de’it, hodi hanoin katak Maromak dook los husi ita, maibé horik ho ita, hamutuk ho ita no hela ho ita. Ho ida ne’e mak amo Papa dehan “A nossa cultura perdeu a noção desta presença concreta de Deus, da sua acção no mundo; pensamos que Deus Se encontra só no além, noutro nível de realidade, separado das nossas relações concretas” (Idem, p. 21). Ida ne’e significa ita tenke hatene katak Maromak iha fatin hotu-hotu, laos iha além ou iha dook nebá de’it, maibé Maromak mos iha mundo no horik ho hela ho ita, basá doutrina mos hanorin ona ita katak “Maromak iha ne’e (ita nia an), iha Lalehan, iha rai no iha fatin hot-hotu”, ou iha Missa ita rona bebeik Nai-Lulik sira dehan “Maromak horik ho imi”. Ida ne’e, quer dizer Maromak laos dook, maibé Maromak horik hela ho ita. Nune’e, amo Papa dehan “O homem religioso procura reconhecer os sinais de Deus nas experiências diárias da sua vida, no ciclo das estações, na fecundidade da terra e em todo o movimento do universo” (Idem, p. 26). Tuir amo Papa fiar ba Maromak ne’e, ita precisa manifesta no expressa iha ita nia hahalok nebé concreta, hanesan mos São Tiago dehan “a fé sem obra é completamente morta” (Cfr. Tgo. 2: 14-26). Ho afirmação ida ne’e maka Catecismo da Igreja Catolica mos define kedas, hodi dehan “Pela razão natural, o homem pode conhecer Deus com certeza, a partir das suas obras” (CIC, p. 32). Nune’e, tuir amo Papa fiar ho hahalok ida ne’e sei hatudu iha parte concreta rua tuir mai ne’e.

Lee Mós:
Fundasaun Mahein: Meius kontra Covid-19 tenke klaru, balansu ho estratéjiku

b. Cuidado a nossa casa comum (Laudato Si)

Exigência ida ne’e, Papa hatuur iha nia Encíclica Laudato Si/LS. Hanesan valores cristãos ida nebé halo ita cuida no tau matan ba criatura tomak. Basá, frase ida “cuidado a nossa casa comum” ne’e exige ita nia cuidado ou ita nia responsabilidade ba criatura hotu, hanesan: ambiente, natureza, animais, ai-horis, tasi, rai maran, etc. Tamba, tuir amo Papa buat sira ne’e hotu hanesan ita nia irmã/ bin nebé compartilha ho ita iha ita nia convivência da vida, no rai ne’e hanesan ita nia mãe/ inan ida nebé acolhe ka hakuak hela ita iha nia moris tomak (Cfr. LS, p. 3).

Amo Papa dehan katak, ohin loron ita nia ambiente (irmã no mãe) ida ne’e kanek no moras todan hela tamba ita nia uso irresponsável no ita nia descontrolamento. Nune’e, Papa dehan “o ambiente natural está cheio de chagas causadas pelo nosso comportamento irresponsável; o próprio ambiente social tem as suas chagas” (LS, p. 7). Kanek no moras ida ne’e mai husi ita ema nia acto sira, hanesan: sunu rai, tesi ai, soe foer arbiru, oho animal sira arbiru, estraga ai-horis sira, la hamos arredores uma nian, la hadia be dalan, la halo limpeza, etc. No maus actos sira ne’e maka causa ba crise ecológica, mudança climática, perda de biodiversidade, poluição, inundação, desastres naturais, degradação ambiental, desgradação humana, perda de água potável, diareia, etc. Tuir amo Papa actos sira ne’e ba ita ema cristão, ne’e pecado nebé grave liu, basá “Quando os seres humanos destroem a biodiversidade na criação de Deus; quando os seres humanos comprometem a integridade da terra e contribuem para a mudança climática, desnudando a terra das suas florestas naturais ou destruindo as suas zonas húmidas; quando os seres humanos contaminam as águas, o solo, o ar tudo isso é pecado” (Idem, p. 8). No tuir amo Papa katak acto hirak ne’e crime ida nebé ita halo contra ita nia an rasik, no pecado contra Maromak, basá Papa dehan “um crime contra a natureza é um crime contra nós mesmos e um pecado contra Deus” (Idem, p. 8-9).

Hare ba buat hirak ne’e hotu, amo Papa dehan, ita hotu iha vocação atu tau matan, cuida no toma responsabilidade atu kura fali kanek no moras nebé ita nia irmã ka ita nia mãe ne’e sofre hela. Nune’e, Papa dehan “A humanidade é chamada a tomar consciência da necessidade de mudanças de estilos de vida, de produção e de consumo, para combater este aquecimento ou, pelo menos, as causas humanas que o produzem ou acentuam” (Idem, p. 21). Tuir amo Papa, criatura hotu-hotu fo glória ba Maromak no lori mensagem ba ita ema, maibé “Por nossa causa, milhares de espécies já não darão glória a Deus com a sua existência, nem poderão comunicar-nos a sua própria mensagem” (Idem, p. 28). Nune’e, amo Papa exorta ba ita hotu, liu-liu líderes ka políticos sira, atu ita hotu loke tilun “para ouvir tanto o clamor da terra como o clamor dos pobres” (Idem, p. 39). Hanesan neduni maka, “somos chamados a tornar-nos os instrumentos de Deus Pai para que o nosso planeta seja o que Ele sonhou ao criá-lo e corresponda ao seu projecto de paz, beleza e plenitude” (Idem, p. 43). Ba ita cristão sira vocação atu tau matan ou cuidado a nossa casa comum ne’e, valor ida nebé kmanek no furak liu iha Maromak nia futar oin. Maibé, além de valor ida ne’e, iha mos valor ida seluk maka parte ida tuir mai ne’e.

c. Fraternidade e amizade social (Fratelli Tutti)

Iha parte ida ne’e, Papa exige kedas buat ida interessante maka “um coração sem fronteiras” (FT. p. 1). Um coração sem fronteiras ida ne’e, Papa hakarak ita sai hanesan São Francisco de Assis, nebé hatene hadomi Maromak, hadomi Natureza no hadomi ema seluk, liu-liu hadomi ema kiik, ki’ak, moras no marginalizado sira. Tamba tuir amo Papa “No mundo atual, esmorecem os sentimentos de pertença à mesma humanidade; e o sonho de construirmos juntos a justiça e a paz parece uma utopia doutros tempos” (FT.p. 8). Katak tempo ohin loron ita lakon sentido de pertença hodi haluha tiha katak ema seluk pertençe ba ha’u no ha’u mos pertençe ba ema seluk; no mehi nebé hakarak hari hamutuk justiça, paz sai de’it ona hanesan utopia ida nebé ema koalia mak barak maibé la realiza buat ida. Nune’e, ita tama iha corrente egoismo, individualismo, arrogância, etc. hodi halo ita cria tiha cultura de muro nebé haketak tiha ita husi ema no criatura seluk no lori ita ba moris ho vida isolada ida nebé laiha sentido.

Perante cultura de muro ida ne’e amo Papa dehan “oxalá já não existam «os outros», mas apenas um «nós»” (Idem, p. 10). No iha capítulo III amo Papa exige kedas atu ita ema iha “Pensar e gerar um mundo aberto” (Idem, p. 23). Afirmação rua ne’e contempla saida maka unidade, no unidade ida ne’e hatuur iha visão global ida, bele dehan unidade global, unidade internacional, unidade nacional, unidade local, unidade familiar, etc. Unidade ida ne’e la hare ba raça, cultura, língua, religião, nação, grupo, cor, partido, etc. maibé unidade ida ne’e unidade ida nebé ita considera ema hotu hanesan ita nia próximo. Hahalok ida ne’e Papa hatur iha aiknanoik o bom Samaritano nian, nebé hatuur iha capítulo II, iha nebé lori lição boot ba ita oinsá maka acolhe, atende, protege, cuida, responsável, ema seluk (Cfr. FT, p. 15-23).

Iha unidade ka boa relação ida ne’e nia laran, ita ema precisa moris ho hospitalidade, amor, caridade, justiça, paz nebé halo ita iha união ho ema seluk hodi servi hamutuk saida maka bem-comum ka bem-estar iha sociedade (Cfr. Idem, p. 23-33). Nune’e, Papa dehan “independentemente da diversidade das etnias, das sociedades e das culturas –, vemos semeada a vocação a formar uma comunidade feita de irmãos que se acolhem mutuamente e cuidam uns dos outros” (Idem, p. 25). Base ba ida ne’e maka “um coração aberto ao mundo inteiro” (Idem, p. 34). Basá tuir amo Papa coração aberto ida ne’e mak halo com que ema iha domin ba Maromak, ba mundo no ba ema seluk.

Lee Mós:
Timor-Leste Nia Lei Kriminozu Oho Ema Pena Prizaun Tinan 12 To’o 25 Analiza Kona-bá Kazu Omisídiu Agravadu iha Semana Hirak Liubá

Ho sira ne’e hotu, amo Papa mos halo exigência ida ba líderes no políticos sira atu aplica “a política melhor” (Idem, p. 40). A política melhor ida ne’e, fundamenta iha caridade social e política, a política necessária, o amor político (Cfr. p. 41-52). Tan tuir amo Papa, política ne’e “é uma sublime vocação, é uma das formas mais preciosas de caridade, porque busca o bem comum” (Idem, p. 48). Nune’e, “A boa política procura caminhos de construção de comunidade nos diferentes níveis da vida social, a fim de reequilibrar e reordenar a globalização para evitar os seus efeitos desagregadores” (Idem). Ho ida ne’e Papa dehan “Um tal olhar é o núcleo do autêntico espírito da política” (Idem, p. 49). Ida ne’e katak, líder ka político lolós maka ema ida nebé ba hare no tau matan ba ninia povo sira, liu-liu tau matan ba sira nebé ki’ak, kiik, faluk, oan ki’ak, etc. Laos ho ida ne’e de’it, maibé políticos ka líderes sira mos precisa fiar iha Maromak mesak ida de’it, hodi tau matan mos ba Nia criatura tomak, liu-liu tau matan ba Nia emar sira nebé frágil no miserável liu iha sociedade. Tan ne’e “Os políticos são chamados a «cuidar da fragilidade, da fragilidade dos povos e das pessoas” (Idem), basá, Papa dehan “Na atividade política, é preciso recordar-se de que independentemente da aparência, cada um é imensamente sagrado e merece o nosso afeto e a nossa dedicação” (Idem, p. 51).

Ikus liu amo Papa dehan, solução atu evita pecados hodi desenvolve valores cristãos sira ne’e maka liu husi “diálogo e amizade social” (Cfr. p. 52-59). Ho ne’e, amo Papa dehan, família sira buka meios hodi kuda valores hirak ne’e hahu uluk ho liafuan, bom dia, com licença, desculpa e obrigado; iha educação ema buka atu forma no hanorin malu oinsa iha domin atu cuidado no toma responsabilidade ba parte tolu ne’e hotu. Além de sira ne’e, amo Papa mos dehan katak ita ida-idak mak precisa hola iniciativa rasik atu forma an uluk no consciente ba buat hirak ne’e. Nune’e, husi sira ne’e hotu halo ita lao ba “percurso dum novo encontro” (Cfr. p. 59-71), iha nebé halo ita ema hetan solução ka dalan atu kura kanek no moras social nebé ita ema enfrenta entre Deus-Mundo-Homem. No amo Papa husu atu religião sira hotu tenke serviço ba knaar santo ne’e hodi cria fraternidade universal iha mundo tomak (Cfr. p. 71-76). Basá “Viver a vocação de guardiões da obra de Deus não é algo de opcional nem um aspecto secundário da experiência cristã, mas parte essencial duma existência virtuosa” (LS, p. 165).

CONCLUSÃO

Tuir amo Papa Francisco, pecados cristãos hatudu iha: Fiar iha maromak falso sira (ídolatria e politeismo); Uso irresponsável e descontrolo (perda da consciência e cuidado); no Mundo fechado e cultura de muro (perda de fraternidade e amizade social). Contrário husi parte tolu ne’e maka valores cristãos be hatudu iha: Fiar ba Maromak Mesak Ida de’it Jesus Cristo (Lumen Fidei/ Sobre a Fé); Cuidado a nossa casa comum (Laudato Si); no Fraternidade e amizade social (Fratelli Tutti).

Nune’e, ema sarani di’ak ida nia sei buka hatene no esforço an atu labele prática pecados, maibé prática valores cristãos hodi cria fraternidade no amizade ho Deus-Mundo-Homem. Iha ne’e, necessário ema hotu sei hakas an atu haburas cultura da fé, cultura do cuidado e cultura da abertura. Tan tuir amo Papa ida ne’e maka vida autêntica ida nebé halo ita moris ho princípios éticas be caracteriza ita nuudar fiar nain ida be moris iha Maromak nia mundo. Nune’e, nia dehan “Para os crentes, a natureza humana, fonte de princípios éticos, foi criada por Deus, que em última análise confere um fundamento sólido a estes princípios” (FT, p. 56-57). No Papa dehan tan katak, ita ema, moris ho hahalok di’ak sira ne’e, ita sei sai heroi ida ba futuro, basá “Os heróis do futuro serão aqueles que souberem quebrar esta lógica morbosa e, ultrapassando as conveniências pessoais, decidam sustentar respeitosamente uma palavra densa de verdade. Queira Deus que estes heróis se estejam gerando silenciosamente no coração da nossa sociedade” (Idem, p. 53).

Ikus liu, baseia ba ha’u nia reflexão pessoal, se iha Timor mak ita moris tuir karik buat nebé amo Papa dehan ne’e, ita sei concretiza duni ita nia esperança nebé CRDTL dehan “tendo em vista a construção de um país justo e próspero e o desenvolvimento de uma sociedade solidária e fraterna” (CRDTL, Preâmbulo). Esperança ida ne’e atu concretiza precisa ita hotu ninia espírito heroico nian be iha domin ba ita nia rain, ba ita nia futuro no ba ita nia vida, hodi lori ita hotu ba moris iha Fraternidade Universal ida tuir amo Papa hanorin no haruka. Husi ne’e mak amo Papa prefere atu ita moris iha vínculo sinodalidade nian hodi halo revolução da ternura.

Referências

BÍBLIA SAGRADA, 1ª Edição, Difusora Bíblica, Lisboa, 2015

PAPA FRANCISCO, Carta Encíclica Lumen Fidei, Roma, 29 de Junho de 2013

_________________, Carta Encíclica Laudato Si, Roma, 24 de Maio de 2015

_________________, Carta Encíclica Fratelli Tutti, Assis, 03 deOutubro de 2020

CATECISMO DA IGREJA CATÓLICA, 2ª Edição, Gráfica de Coimbra, Lda, Lisboa, 1999

VASCONCELOS, Pedro Carlos Bacelar, (Coord.), Constituição Anotada da República Democrática de Timor-Leste, Revisão: Ana Rita Silva, Colaboradores: Alexandre Corte-Real de Araújo, et. All. Editor: Direitos Humanos-Centro de Investigação Interdisciplinar Escola de Direito da Universidade do Minho Campus de Gualtar, Braga, outubro de 2011

 David Martins, Estudante, ISFIT

 

 

 

 

 

 547 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pecados E Valores Cristãos Em Relação Ho Deus-M…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: