MANUFAHI—Komunidade uma kain rua ameasadu tanba hasees-an tun ba rai naruk iha aldeia Aituha kauza hosi Udan boot iha loron 2 fulan-Jullu foin lalais.
Xefe suku Bubususu, postu administrativu Fatuberlio, munisipíu Manufahi, Estanislao Borges relata, hafoin udan para autoridade aldeia Aituha relata katak iha komunidade uma kain rua hasoru risku rai halai.
“Rai halai nune’e halo rai nakfera to’o komunidade uma laran no ida ne’e halo komunidade sira trauma tebes ”haktuir Estanislao ba Timor post iha Same, Kuarta (19/07).
Nune’e nia hateten, situasaun refere hafoin akontese nia parte informa kedas ba parte autoridade protesaun sivíl liu husi rede sosial grupu whatsapp no hato’o diretamente ba autoridade munisípiu Manufahi.
Iha sikun seluk xefe suku Fahinehan, postu administrativu Fatuberliu, Antonio da Conceição Tilman relata, maski durante ne’e nia parte seidauk simu dadus husi autoridade aldeia maibé nia hare ona uma kain balun hetan amiasadu ba rai halai.
“Sim, hau seidauk simu dadus husi aldeia Riamori, Ainessi, Daurata no Daramtan maibé ha’u hare kuaze uma kain 4 iha aldeia Daramatan rai halai halo uma laran nakfera hotu” nia hakotu.(lcl)
1,221 total views, 6 views today
Bele hare Video Seluk :
Subscribe to Timorpost
