DILI (Timor Post)—Komunidade musulmanu iha Timor Leste, ohin (29/06), selebra loron idul Adha ka Al-Adha”, ba dala-1444 H. Loron ida ne’e importante tebes hodi koko ema nia pasiensia.
Prezidente Konsellu Nasional Islamiku TL, Pascoal ‘Sidik Lemorai’, hatete, selebrasaun ida ne’e hodi relembra hikas momentu ida maromak koko profeta Ismail, ninia pasensia ho servisu ne’ebé maromak fó ba nia durante ne’e nia kumpre ezekuta ou lae.
“dul Adha ne’e maka, koko ema nia pasiénsia, oinsá mak nia bele ezekuta servisu ne’ebé Maromak fó bá nia. kultura ida ne’e sai hanesan istória ba komunidade Musulmanu hodi halo tuir,” nia dehan hafoin remata hasa’s orasaun iha Mezid Anur Kampu Alor Dili, Kinta (29/06).
Tuir Musulmanu sira-nia fiar katak, Idul Adha hanesan loron sakrifisiu nian. halo sakrifisiu hodi oho animal, hanesan karau ka bibi, ho nia sentidu atu hato’o agradesimentu bá Maromak bá grasa sira ne’ebé haraik ona bá emar sira.
“Atividade ba tinan ida ne’e ami ko’a animal Karau no bibi, signifika katak ami ko’a animal hirak ne’e hodi fahe ba komunidade Muslumanu sira ne’ebé kibit laek, ema ne’ebé laiha momentu ida ne’e nia bele hetan, atividade refere hanesan mós hala’o iha Munisipiu sira,” nia hato’o.
Karau ne’ebé komunidade oho iha Meskita Anur Dili hamutuk Karau 8, inklui Bibi 9, animal hirak ne’e, hosi Mari Alkatiri apoiu Karau ida no balun apoiu hosi kolega Pertamina Internasionál, no balun hosi Komunidade Muslimanu rasik, nune’e animal refere sei oho hotu iha loron ohin.
Tuir dadus ne’ebé lider Konsellu Nasionál Musulmanu hato’o, katak iha TL Munisipiu 6, mak komunidade Musulmanu hela ba kompostu hosi, Vikeke, Baukau, Lospalos, Manufahe, Maliana no Likisá.
Oportunidade hanesan komunidade Musulmanu, Boaventura Soarea Gusmão, sente kontente no orgullu ho selebrasaun festa Eid Al-Adha, tanba ne’e agradese ba parte hothotu ne’ebé apoiu komunidade Musulmanu iha TL, ne’ebé mak fó ona teleransia tempu ba iha parte reliziaun nian.
“Tempu toleransia ida ne’e, sai hanesan ezemplu ba komunidade jerál iha Timor-Leste,” nia hato’o.
Entertantu marka prezensa iha selebrasaun Eid Al-Adha, ne’ebé komunidade musulmanu Pakistan, Embaixadór Indonézia iha Timor-Leste no komunidade Musulmanu sira.
732 total views, 6 views today
Bele hare Video Seluk :