Salmu 119:17-32
Viajen ba fatin ne’ebé nunka ita ba, bele sai esperiénsia difisil kuandu ita la uza mapa ou búsola ou mata dalan (kompas) iha viajen ne’e. Kompas maka instrumentu ida hodi hatudu dalan ne’ebé bele guia ita ba fatin destinu ne’ebé sertu.
Salmista (pemazmur) deskreve ninia moris hanesan ema estranjeiru iha mundu ne’e, hanesan viajante (musafir) ida (19). Nu’udar ema estranjeiru iha mundu, nia presiza Maromak nia Liafuan sai mata dalan ba ninia moris. Tanba Maromak nia liafuan kontein mandamentu, maravilla, lei, adverténsia, konsellu, mandamentu no feitu milagrozu Maromak nian. Buat hirak ne’e maka sei fó moris ba nia, hamoos dezgrasa no umillasaun (penghinaan) ne’ebé nia hasoru, hametin nia no lori nia ba dalan loos, inklui expandirá ninia fuan bainhira nia pratika Maromak nia Liafuan iha ninia moris.
Mezmu nia tenke hasoru ema kurang ajar ou imprudente sira, sira ne’ebé kritika nia, até planu at husi líder sira, salmista la ta’uk, kuandu nia moris tuir Maromak nia Liafuan, ne’ebé hanorin nia lia loos. Portantu, la hakfodak bainhira salmista espresa repetidamente ninia dezeju atu guia nia ho Maromak nia Liafuan, no konxiente katak nia labele moris sein Maromak nia Liafuan.
Reflete husi esperiénsia salmista, loloos ita mós viajante sira ne’ebé presiza orientasaun no diresaun hodi hala’o moris ne’e. Ita presiza mata dalan ou guia ou kompas ida, atu ita hatene, oinsá ita tenke moris iha mundu ne’e no atinje Maromak nia objetivu iha ita nia moris.
Bíblia maka sai mata dalan loloos, ne’ebé guia ita ba rute viajen ne’ebé di’ak liu no loos, mezmu ke rute ne’e la garantia katak laiha ona dezafiu ou obstákulu ne’ebé ita sei enfrenta. Dezafiu sempre iha, maibé ho Maromak nia Liafuan, ita bele hasouru.
Nafatin moris tuir Maromak nia Liafuan hanesan salmista ne’e no hein Maromak nia lian, ne’ebé fó komandu no akompaña ita iha moris tomak. (*)
2,002 total views, 3 views today
Bele hare Video Seluk :
Subscribe to Timorpost
