DILI (timorpost.com)—Governu liu husi Sekretáriu Estadu Protesaun Sivíl (SEPS) sei buka solusaun hodi muda komunidade afetadu inséndiu Karentina Tasi Tolu, Aldeia 12 Outubru, Postu Administrativu Dom Aleixo, Munisípiu Dili ne’ebé oras ne’e sei hela iha Palasiu Prezidensiál kotuk.
Portavós Autoridade Protesaun Sivíl (APC-sigla Portugés), João de Sousa Filipe, afirma, semana kotuk SEPS hala’o reuniaun ida atu muda komunidade afetadu inséndiu Karantina Tasi-Tolu, oras ne’e sei hela iha Palasiu Prezidente Bairo-Pite kotuk, hodi fila ba ida-idak ninia hela fatin. Maibe Governu sei halo identifikasaun ba komunidade sira ninia hela fatin hafoin halo evakua.
“Semana kotuk ami enkontru preparasaun, depois sei koordena ho Autoridade Munisípiu Dili sei halo koordenasaun ho parte vítima inséndiu Karantina atu nune’e muda hosi Palasiu Prezidente kotuk ne’e ba sira nia hela fatin ,” Informa, João de Sousa Filipe, ba Jornalista hafoin fó sai rezultadu Dezastre Natural semana ida nian iha Edifísiu APC Kaikoli, Segunda-Feira (11/09/2023).
Nia haktuir, identifikasaun ne’e sei husu vítima sira tenke aprezenta dokumentu komprovativa katak, sira mak na’in ba rai governu bele responde, karik la’ós na’in ba rai Sekretáriu Estadu Protesaun Sivíl (SEPS) ho Autoridade Munisípiu Dili (AMD) la fó resposta tanba bazeia ba dekretu lei Nú.7/2022, alínea 9 katak bandu sidadaun sira labele hela iha fatin risku no rai estadu.
Entretantu, inséndiu ne’ebé kauza hosi sirkuitu eletrisidade ne’ebé akontese loron Kinta- (24/02/23) oras kuaze 3:00 madrugada ne’e rezulta uma no sasán hosi xefe família 50 ho totál abitante na’in 235 la konsege salva.
750 total views, 9 views today
Bele hare Video Seluk :
Subscribe to Timorpost
