Dili (timorpost.com) – Negosiante sira iha merkadu tradisionál mau-mate, Suku Naimeco, Postu Administiva Pante Makasar, Munisípiu Rejiaun Administrativa Espesiál Oe-Kusi Ambenu (RAEOA), iha tempu udan fa’an modo no ai-fuan hakdasak de’it iha tahu leten.
“Sim, tuir ha’u haree negosiante ne’ebé iha Merkadu Mau-mate, suku Naimeco, RAEOA kona-ba situasaun no kondisaun atual ne’e impaktu boot”, Negosiante Francisco Ole, dehan ba Timor Post online liuhusi WhatsApp, Kuarta (23/11).
Nia dehan, Merkadu mau-mate ne’e kuandu iha tempu udan negosiante sira ne’ebe fan modo ne’e hakdasak de’it iha tahu leten.
“Ida ne’e Autoridade RAEOA mak laiha kapasidade hodi tau matan ba situasaun merkadu ida ne’e,” nia hateten.
Nune’e nia dehan, Autoridade RAEOA sira haree hela maibé ladún preokupa ba Merkadu ne’e, maibé sira finze matan delek ou tilun diuk ba negosiante sira ne’ebé fan modo no sasán seluk hakdasak iha tahu leten.
Tan ne’e nia husu ba Autoridade RAEOA atu orienta Sekretariu Rejiaun Asuntu Turizmu, atu bele hakat ba merkadu hodi bele haree no bele kria kondisaun. No nia husu ba Servisu Agua no Saneamentu (SAS), atu bele mai haree edifísiu Saneamentu hodi bele kria kondisaun.
Ikus nia husu mós ba Aturidade RAEOA atu tau osamentu hodi reabilita Merkadu ne’e ou bele haree fali fatin seluk hodi subtitui merkadu refere, tanba tuir nia pontu de vista merkadu refere kloot liu labele akomula negosiante sira husi suku 18, se laiha fatin seluk atu subtitui Governu bele halo negosiasaun hodi sosa rai no natar husi povu Naimeco hodi halo alargamentu ba merkadu refere.
2,747 total views, 3 views today
Bele hare Video Seluk :