DILI, (timorpost.com)— Eis Xefe Estadu Maiór Jenerál F-FDTL, Jenerál Lere Anan Timur, kontra disputa rai entre Timor-Leste no Indonézia iha Naktuka, suku Beneufe, sub-rejiaun Nítibe, Rejiaun Administrativu Espesiál Oekusi Ambenu (RAEOA) entrega ba Indonézia.
Nia hatete, kona ba rai naktuta ne’e iha nasaun demokrasia hotu-hotu ko’alia, ema barak liuliu intelektuál, joven sira kestiona katak Kay Rala Xanana Gusmão atuál Primeiru Ministru liuhosi ekipa negosiadór entrega ona rai Naktuka ba Indonézia, maibé nia rasik la fiar.
“Ba ha’u la fiar, mais Xanana fó! ha’u rasik kontra ha’u-nia maun duni, mais ha’u la fiar katak nia fó, ha’u haree nia núnka atu fó. Situasaun ida kee aat liu, la fó Timor ba Indonézia, depois agora ita ukun-an mak Xanana atu fó fali rai sorin ba tiha Indonézia, ne’e ha’u la fiar”, dehan Lere Anan Timur, ba Timor Post iha Igreja Balide hafoin partisipa misa agradesimentu Loron Nasionál Veteranu nian, Sesta, (01/03/2024).
Nia dehan, Xanana nia deklarasaun no esklaresementu momos hakarak rekonsiliasaun, estabilidade iha rai liga malu ba fronteira, porke sorin Oekusioan no sorin mai Oekusioan, halo oinsá para sira ne’e bele haree malu di’ak.
“Maun Xanana nia deklarasaun no esklaresementu momos, Xanana nia hakarak ne’e rekonsiliasaun, estabilidade iha rai liga malu fronteira, porke sorin Oekusioan no sorin mai Oekusioan, halo oinsá para sira ne’e labele hare malu ladi’ak, Oekusioan ne’ebé agora iha sorin ba, bele mai halo nia natar no to’os, mais rai la’os sira nian, to’os natar sira-nian no sira bele halai mais rai la’os sira-nian, rai ne’e timor nian, ida-ne’e mak ema ne’e tenke komprende, rai-ne’e timor nian, ida-ne’e mak ema ne’e tenke komprende”, Lere reforsa.(*)
3,168 total views, 6 views today
Bele hare Video Seluk :