RAEOA (Timor Post.com)— Sekretáriu Jerál Administrasaun ba Região Administrativa Espesiál Oe-Cusse Ambeno (RAEOA), Martinho Abane Elo garante eleisaun suku iha Oe-Cusse sei realiza ho estabilidade no kondusivu.
Martinho hatete, RAEOA, iha postu administrativa haat, Pante-Makasar, Oesilo, Pasabe no Nitibe, iha suku 18 no aldeia 63, garante ba eleisaun suku sei la’o ho prosperidade no kondusivu.
“Ita garante eleisaun suku, iha RAEOA sei la’o ho prosperidade no kondusivu, tuir dekretu lei governu nian.” Nia haktuir ba jornalista sira iha RAEOA-Oe-Cusse, Tersa-feira (17/10/2023).
Nia dehan, total kandidatu ba xefe suku iha suku 18 ne’e, hamutuk 93, kompostu husi mane na’in 88 no feto na’in 5, husi total ida ne’e mak sei kompete iha eleisaun agora.
Tu’ir Informasaun husi Ministériu Administrasaun Estatál (MAE) laiha kandidatura eskluindu, signifika total kandidatura sira sei kompete hotu ba eleisaun suku.
“Ita agradese ba Ministériu relevante, liuliu MAE ho STAE bele dezamina informasaun eleisaun nian ba pesoál Apoiu Administrasaun suku sira, espesiál iha RAEOA”.
Iha fatin hanesan, Xefe Gabinete Ministériu Administrasaun Estatál (MAE) Benigno Humberto da Cruz hatete, númeru kandidatura xefe suku iha RAEOA bo’ot, hatudu katak direitu komunidade másimu tebes atu kompete ba eleisaun suku.
“Ita haksolok tebes, tanba Komunidade iha aldeia 63 suku 18, no postu 4 iha RAEOA, sei partisipa másimu ba eleisaun refere, tanba informasaun ne’ebé ita fahe, sei dezamina mós ba Komunidade ho di’ak.”Nia Subliña.
912 total views, 3 views today
Bele hare Video Seluk :
Subscribe to Timorpost
