OEKUSI (timorpost.com) – Autoridade Rejiaun Administrativa Espesial Oe-cusse Ambeno (RAEOA) fahe ai-han sesta bazika faze daruak nian ba komunidade iha suku Malelat, postu administrativu Pasabe iha RAEOA.
Sekretária Rejionál Adjuntu Prezidente Autoridade Asuntu Sosiais, hanesan Koordenadór Jerál Sesta Bázika faze daruak, Maximiano Neno, kontinua distribui produtu Sesta Bázika ba faze daruak nian.
Koordenadór Jerál Sesta Bázika RAEOA, Maximiano Neno, hatete, distribuisaun sesta bázika ba faze daruak hahú distribui iha fulan Fevereiru to’o Abríl ekipa distribuisaun sesta bázika konsege atinji 50% iha RAEOA.
Iha loron 19 Abríl-Maiu 21 ekipa sesta bázika para distribuisaun tanba prosesu eleitorál ba eleisaun parlamentár no ohin ita hahú kontinua programa sesta bázika ba suku ne’ebé seidauk hetan, hanesan suku Malelat Sub-rejiaun Pásabe, no suku sira seluk.
“Sesta Bázika hanesan Programa ida hosi VIII Governu Konstitusionál nian aprova iha tinan kotuk faze dahuluk no ohin simu faze daruak inklui subsídiu fin do ano, uma naroman ba povu, osan ferik katuas aumenta, bolsu méritu, bolsa da me ba jerasaun foun,” nia hateten
Populasaun suku Malelat simu Sesta Bázika faze da-ruak hamutuk 254, iha matadalan ba programa Sesta Bázika 75% atu mai hosi produtu lokál no 25% mai hosi produtu importadu, produtu lokál ne’ebé kompañia hola konsidera hanesan produtu lokál iha Suku Malelat hanesan Karau, Liis mean no Mutin, lakeru mutin, hudi inklui modo, entaun programa Sesta Bázika fó benefísiu komunidade tanba hola nia produtu inklui no simu fali.
Sesta Bázika iha REAOA iha kompañia manán na’in-22 atu distribui ba populasaun Oé-cusse tomak, sub-rejiaun haat, suku 18, aldeia 63, ohin suku Nipani mós hahú simu produtu refere.
Entretantu totál uma kain iha suku Malelat hamutuk 56 no totál benefisiáriu 254, kompañia fornesedór Sauquira Unipessoal. Lda.
Produtu distribui iha komunidade fatin refere maka produtu karboidratu foos 20 Kg, fehuk ropa 1 kg, batar dulas 1 kg. Proteína na’an karau isin 1kg, na’an karau ruin 1 kg no na’an aten 1 kg. Produtu vitamina mak sabraka lotuk 1 kg, modo, señora, ai manas boot, no liis mean no mutin. No produtu seluk maka Mina te’in, ho kafé.
Distribuisaun ne’e la’o di’ak tanba hetan akompaña hosi órgaun independente PDHJ RAEOA.
2,877 total views, 3 views today
Bele hare Video Seluk :
Subscribe to Timorpost
