Dili (timorpost.com) – Komisaun Konjuntu Talk Show (KKTS) ne’ebé kompostu husi Institute of education, Klibur Juventude Timor-Leste, Movimentu Juventude Kriatividade no Klibur Juventude Foin Sa’e realiza semináriu hodi pormove Juventude voluntáriu iha vida Organizasaun.
“Atividade ida ne’e, ami realiza la’ós husi grupu ida de’it, maibé ami kompostu husi grupu haat maka realiza atividade ida ne’e maka hanaran Komisaun Konjuntu Talk Show”, Prezidente Komisaun Organizadora, Esmenia Fernandes, dehan ba Timor Post iha Salaun Infordepe, Balide, Domingu (29/01).
Nia dehan, sira-nia preparasaun ba iha atividade ida ne’e maizumes loron 4 nia laran sira grupu haat ne’e esforsu ba eventu ida ne’e.
“Ho nia objetivu ami hakarak atu promove joven sira ne’ebé iha Espiritu voluntarizmu hala’o nia papél nu’udar juventude hodi fó kontribuisaun uitoan maibé beibeik fó kontribuisaun ba rai doben Timor-Leste”, nia hateten.
Enkuantu ba partisipante sira iha atividade no semináriu jerál ida ne’e husi Eskola sira iha Dili laran.
Nia esperansa ba oin katak hakarak juventude hotu tenke iha Espiritu voluntarizmu atu nune’e kontribuisaun ba Rai Doben ida ne’e bele forsa, tanba joven mak sai ai-riin ba Nasaun ida ne’e.
Iha sorin seluk fundador Organizasaun Klibur Juventude Foin Sa’e, Alexandrinho Menezes, reforsa atividade ida ne’e nia objetivu prinsipal katak maka promove juventude sira iha Organizasaun.
“Atu ko’alia kona-ba ba Organizasaun tanba iha Organizasaun aprende laiha limitasaun iha ideia matenek la hanesan tanba ne’e maka kada semana no Fulan ami sempre realiza semináriu no formasaun atu nune’e bele eleva Juventude sira-nia kapasidade no mentalidade hodi nune’e la matenek liu, maibé maizumes matenek iha rai doben ida ne’e”, Alex afirma.
Nia esperansa ba oin maka Tenke briefing Lideransa Feto no Mane tenke parsial, tanba tinan-tinan sira sempre haree velosidade sa’e makas ne’e liuliu mane sira mak barak, maibé difisil tebes ba kolega Feto sira.
1,665 total views, 3 views today
Bele hare Video Seluk :
Subscribe to Timorpost
