ADVERTISEMENT

APC Rejista Uma-Kain 6 Afeta Dezastre Naturais no Inséndiu

Mario da Costa - Jeral
Jornalista : Mariano Abi
Editor : Mario da Costa
  • Share
Diretór Relasaun Esterna no Komunikasaun APC, Anacleto Caetano, relata hela Dezastre iha semana ida ne'e, Segunda (30/01), Imajen TP/Mariano Abi

DILI (timorpost.com) — Autoridade Protesaun Sivíl (APC), kontinua update kona-ba vítima dezastre iha semana ida ne’e afetada husi durante loron 24 Janeiru to’o loron 30 ohin nian.

“Iha semana ida ne’e, akontese dezastre ho tipu kuaze ahi-han uma no anin sobu ho udan, ne’ebé totál dadus ida ne’ebé Autoridade Protesaun Sivíl simu liuhusi Sentru Nasionál Operasaun APC hamutuk uma-kain 6”, hateten Diretór Relasaun Esterna no Komunikasaun APC, Anacleto Caetano, iha Kaikoli, Segunda (30/01).

ADVERTISEMENT
SCROLL FILA BA NOTISIA


Nia dehan, vítima sira ne’e kompostu husi Munisípiu Baukau ahi-han uma 3, iha RAEOA ahi-han uma 1, depois iha Munisípiu Ermera anin sobu uma 2.

Nia aumenta, vítima hirak ne’ebé afetada ne’e, husi Komandu Munisipál sira no mós Komandu Rejionál Oe-kusi fó ona apóiu Emerjénsia ba sira.

Lee Mós :
Membru Governu Sira Konkorda La Simu Subsídiu 200 USD ba Uma-Kain

Tanba ne’e husi APC fó hanoin nafatin ba komunidade sira katak, buat ida dezastre ne’e hotu-hotu la espera, hanesan udan atu laiha mós dezastre akontese nafatin.

“Nune’e mak APC iha obrigasaun atu informa no fó hatene ba ita hotu para bele kuida ita-nia aan, kuida ita-nia riku-soin, kuida ita-nia uma, maski iha petisaun oi-oin ba oin, maibé ita nu’udar komunidade ne’ebé sempre hasoru buat sira ne’e, ita tenke kuida nafatin,” nia afirma.

Informa mós ba sira ne’ebé hela iha foho lolon, tasi ninin, mota ninin sira ne’e atu bele kuida nafatin, nune’e haktuir tan mós ba dadus ne’ebé APC hato’o ona hamutuk uma-kain 6 hanesan dadus provizóriu ida, tanba iha Munisípiu balu sei iha levantamentu dadus hodi bele fó apóiu ba sira, maibé dadus ne’ebé APC hetan ne’e mak Uma-Kain 6.

Lee Mós :
Serviços de Saúde de Bobonaro registam 22 casos de dengue desde janeiro

“Kona-ba tipu apóiu ne’e hanesan ita hotu-hotu hatene katak iha tipu rua, ida mak hanaran apóiu Emerjénsia no ida mak hanaran apóiu rekooperasaun, ne’e atu rekoopera uma sira ne’ebé aat,” nia hateten.

Maibé, bainhira akontese dezastre emidiata APC Komandante Munisipál sira ne’e apóiu kedas Emerjénsia, hanesan ohin akontese dezastre komunidade sira iha diretu atu hetan apóiu Emerjensia.

“Nune’e mós kona-ba apóiu rekooperasaun ka halo uma ne’e, depois de akontese dezastre ekipa konjunta sei tuun hodi halo reverifikasaun atu halo iha ida ne’ebé, tanba iha kategoria tolu, ida mak aat kaman, aat naton no aat totál, ne’e liga ba iha rekooperasaun ou harii fali sira-nia hela fatin,” nia dehan.

Lee Mós :
APC Rejistu Uma-Kain 155 Afeta ba Dezastre Natural

Enkuantu, tuir dadus Autoridade Protesaun Sivíl ne’ebé rejista hahú iha loron 01 fulan Janeiru 2023 to’o loron 30 fulan Janeiru 2023 hamutuk 399, kompostu husi anin sobu 337, ahi-han uma 16, rai halai 8, Inundasaun 0, mate 2 husi mota lori 1 ho railakan 1.

 1,974 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “APC Rejista Uma-Kain 6 Afeta Dezastre Naturais …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No