Bola.com, Doha – Selesaun Portugal konsege tama iha Kopa Mundiál 2022 ne’e ho vitória ida. Ekipa A ne’e prontu no konsege halakon Gana.
Portugál halakon Gana ho valór mihis 3-2, iha parte dahuluk Grupu H, iha Kopa Mundiál 2022 iha Stadium 974, Doha, Kinta kalan (24/11).
Golu tolu Portugal nian hosi markadór Cristiano Ronaldo, iha minutu 65 liuhosi pontu mutin ida, João Félix iha minutu 78 no Rafael Leão iha minutu 80.
Enkuantu, Gana so konsege responde dala-rua liuhosi Andre Ayew iha minutu 73 no Osman Bukari iha minutu 89.
Informasaun grafikas iha movimentu ba parte hosi Grupu H, iha Kopa Mundiál 2022, entre selesaun nasionál Portugál ho Gana, ne’ebé termina ho 3-2.
Cristiano Ronaldo mós eleitu hanesan mellor iha kampu hosi Portugál kontra Gana iha Kopa Mundiál 2022, grasa hosi golu ida maski liu de’it hosi pénalti.
“Vitória ida importante hosi ami, parte dahuluk hosi Kopa Mundiál 2022,” hakerek Cristiano Ronaldo iha nia konta Instagram,@cristiano.
“Mais ami seidauk hetan buat ruma. Ida ne’e foin hanesan passu dahuluk”, hateten jogadór ne’ebé hanesan kapitaun iha Ekipa Portugal nian.
Cristiano Ronaldo, la arogante, maski Portugal konsege ona hahú Kopa Mundiál 2022 ho vitória.
“Ami kontinua luta ba ami-nia objetivu iha Kopa Mundiál 2022, vamos Porgual”, Akresenta Cristiano.
Alende ne’e, Portugal sei hasoru Uruguai iha parte daruak iha Grupu H, iha Kopa Mundiál 2022, iha Lusail Iconic Stadium, iha Lusail, iha 28 Novembru 2022.
2,952 total views, 3 views today
Bele hare Video Seluk :