DILI, (timorpost.com)—Tribunal Distritál Oekusi iha tinan 2023 rejista kazu hamutuk 400, kompostu husi kazu krime 300 no kazu sivíl 100.
Administradór Tribunal Judisiál Primeira Instánsia Oekusi (TJPIO), Arjentinho Luisa Nunes, hatete hahú husi fulan Juñu tinan 2023 too iha fulan Abríl, prosesu tama porvolta de, krime 300 ital no kazu Sivíl 100 ital.
“Kazu ne’ebé aas liu iha Tribunal Oekusi, krime violénsia doméstika ho forma maus tratus ho ofensa simples no violasaun, kontra bandu, ne’e tanba fronteira, ida ne’e aas liu. Maibé, krime sira seluk ne’e natoon, as liu mak violénsia doméstika ho forma ohin ne’e, “dehan Juis Administradór Tribunál Oe-Kusi Arjentinho Nunes ba jornalista sira iha TJPID, Segunda (08/04).
Nia dehan, dezde Juñu mai too iha fulan Abríl ne’e, kazu aumenta. Maibé krime singular la iha problema, tanba juis iha nain-2, bele responde ida ne’e, maibé krime koletivu mak problem boot.
“Dezde Jullu mai too iha fulan Setembru, iha juis natoon, ha’u iha ne’ebá apenas segunda tersa, kuarta ha’u tenke viajen mai, kinta Sesta kontinuasaun julgamentu iha ne’e, ida ne’e lao too iha 3 Janeiru, ida ne’e. Entaun impaktu koletivu iha ne’ebá, lao lentu ka neineik liu, Setembru juis nain-1 ba formasaun iha Portugal, entaun Juis nain-2 de’it, koletivu juis husi Dili mak ba taka, rotativa husi sivíl nian, entaun fulan ida ami halo dala ida iha semana ida,” Nia informa.
2,094 total views, 3 views today
Bele hare Video Seluk :
Subscribe to Timorpost
