MANUFAHI (timorpost.com) – – Governu dasia liuhusi Ministériu Saúde (MS) sei halo mapamentu ida hodi rekolla dadus kona-ba estudante sira ne’ebé remata ona iha area saúde maibé seidauk hetan serbisu no halo hela atividade seluk inklui negósiu.
Vise Ministru Saúde, José dos Reis Magno, hatete, governu sei halo levantamentu dadus hodi rekolla estudante sira ne’ebé remata ona estudu iha area saúde.
“Ha’u husu Administradór Munisípiu Covalima no Manufahi identifika hela iha nia oan sira ne’ebé mak remata ona estudu saúde iha area saida de’it no seidauk iha serbisu,” Vise Ministru Saúde, José dos Reis Magno, hateten iha Alas, Kinta (10/08).
Nia dehan, autoridade sira tenke prepara hela dadus atu nune’e ekipa Ministru tun mai halo mapeamentu bele hatene ona númeru nune’e governu bele haree atu emprega ba serbisu iha area remotas.
“Ha’u ko’alia ida ne’e tanba sua exelénsia Primeiru Ministru fó hela ona serbisu mai ami na’in-tolu iha ida-idak nia ministériu atu komesa ona halo mapeamentu hodi buka tuir estudante sira ne’ebé saúde graduadu ona maibé seidauk hetan serbisu,” nia dehan.
Tuir nia, labarik sira ne’ebé eskola foti area saúde inan aman lakon osan hodi ba eskola ikus remata balun ba fa’an fali modo tahan no loke kioske, maibé loloos ne’e tenke uza sira.
Tanba ne’e, husu atu rekolla hela dadus atu nune’e informa informasaun mai Diretór serbisu saúde munisípiu nune’e submete ba ministériu hodi haree ba ida ne’e.
“Ita tenke uza ona sira no ita labele husik leet de’it sira hanesan ne’e, tanba ita nia populasaun iha area remotas ne’e presiza hela ema atu tau atensaun ba sira,” nia hakotu.
7,940 total views, 3 views today
Bele hare Video Seluk :
Subscribe to Timorpost
