ADVERTISEMENT

MS Sei Rekolla Dadus Estudante Remata ona Estudu iha Area Saúde

Orlando Oqui - Manufahi · Saude
Jornalista : Luis Casmiro Lopes
Editor : Orlando Oqui
  • Share
Vise Ministru Saúde, José dos Reis Magno. Foto TP/Luis Casmiro Lopes

MANUFAHI (timorpost.com) – – Governu dasia liuhusi Ministériu Saúde (MS) sei halo mapamentu ida hodi rekolla dadus kona-ba estudante sira ne’ebé remata ona iha area saúde maibé seidauk hetan serbisu no halo hela atividade seluk inklui negósiu.

Vise Ministru Saúde, José dos Reis Magno, hatete, governu sei halo levantamentu dadus hodi rekolla estudante sira ne’ebé remata ona estudu iha area saúde.

ADVERTISEMENT
SCROLL FILA BA NOTISIA


“Ha’u husu Administradór Munisípiu Covalima no Manufahi identifika hela iha nia oan sira ne’ebé mak remata ona estudu saúde iha area saida de’it no seidauk iha serbisu,” Vise Ministru Saúde, José dos Reis Magno, hateten iha Alas, Kinta (10/08).

Lee Mós :
Kampaña Kontra HIV/AIDS

Nia dehan, autoridade sira tenke prepara hela dadus atu nune’e ekipa Ministru tun mai halo mapeamentu bele hatene ona númeru nune’e governu bele haree atu emprega ba serbisu iha area remotas.

“Ha’u ko’alia ida ne’e tanba sua exelénsia Primeiru Ministru fó hela ona serbisu mai ami na’in-tolu iha ida-idak nia ministériu atu komesa ona halo mapeamentu hodi buka tuir estudante sira ne’ebé saúde graduadu ona maibé seidauk hetan serbisu,” nia dehan.

Lee Mós :
Ministériu Saúde Lansa Livru Guia Padrão Tratamentu

Tuir nia, labarik sira ne’ebé eskola foti area saúde inan aman lakon osan hodi ba eskola ikus remata balun ba fa’an fali modo tahan no loke kioske, maibé loloos ne’e tenke uza sira.

Tanba ne’e, husu atu rekolla hela dadus atu nune’e informa informasaun mai Diretór serbisu saúde munisípiu nune’e submete ba ministériu hodi haree ba ida ne’e.

Lee Mós :
UNITAL Abertura Formasaun Ba Estudante Foun 1200

“Ita tenke uza ona sira no ita labele husik leet de’it sira hanesan ne’e, tanba ita nia populasaun iha area remotas ne’e presiza hela ema atu tau atensaun ba sira,” nia hakotu.

 7,515 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MS Sei Rekolla Dadus Estudante Remata ona Estud…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No