MANUFAHI (Timor Post)-Iha oras tuku 4 lokraik akontese sirkuitu eletrisidade, rezulta Ahi han komunidade nia uma ida iha Aldeia Debuwain, Suku Mahakidan, Postu Administrativu Alas, Munisípiu Manufahi.
Xefe Suku Mahakidan, Cristovão Sanches, hatete nia komunidade uma-kain ida iha Aldeia Debuwain ninian uma hetan insendiu.
“Kronólojia husi akontesimtu ne’e tanba sirkuitu eletrisidade”, informa Xefe Suku Mahakidan ba Timor Post, Kuarta (13/07) via telefone.
Tuir nia, akontesimentu ne’e uma nain laiha tanba balun ba tiha lia kultura uma lisan iha Welaku no laen kaben hala’o hela serbisu iha sentru saúde, maibé hafoin uma nain rona fila mai la konsege salva sasán uma laran.
“Familia uma kain ne’e iha ema nain hitu (7), ninia sasán uma laran totalmente motuk hotu”, nia informa.
1,049 total views, 6 views today
