(Reportajen Hermenegildo da Costa Tilman/Editor Mateus da Cruz)
Fatuberliu-Clakuk (Timor Post)—Komunidade suku Klakuk Fatuberliu antusiazmu hodi tuir eleisaun segundu volta.
“Iha suku klakuk iha estasaun votu tolu, ida iha SD Klakuk, iha Webikas, no SP1 Bitirai,” dehan fiskais iha suku klakuk, Afende joão Baptista, iha sentru votasaun Webikas, Klakuk, Tersa, (19/04)
Nia hatete, hanesan fiskais ne’ebe mak hetan fiar hodi, sai seguransa iha eleisaun segundu volta ida ne’e atu tau matan ba prosesu tomak ne’ebe mak ohin hala’o atu labele mosu buat ne’ebe mak la tuir ita nia hakarak.
Kona ba partisipasaun iha primeiru volta no segundu volta hanesan deit, ida ne’e hatudu katak povu iha interese duni iha ukun an ida ne’e, buat ne’ebe iha povu nia hanoin maka manan ka lakon buat ketak ida, importante mak votu hodi determina ita nia prezidente foun hodi lidera nasaun ida ne’e iha paz no estabilidade hakmatek nia laran.
Nia hatete, faillansu, iha sentru votasaun Klakuk iha balu maibe tanba iha esperensia hatudu ona iha primeiru ronde no iha segundu ronde la iha faillansu, buat hotu la’o diak tanba votante sira hatene ona kriteira no metodu ne’ebe presiza sira uza hodi vota, hateten nia.
“Ami servisu hamutuk ho Polisia Nasional Timor-Leste (PNTL) postu Fatuberliu hodi asegura, no seguransa masimu tau matan ba sasan sensitivu no non-sensitivu sira atu nafatin diak to prosesu ne’e remata,”nia dehan. (Lee Notisia Timor Post/Asesu You Tube Timor Post)
418 total views, 3 views today






